ސީރިއާ އިން ވޯލްޑް ބެންކަން ދައްކަން ޖެހޭ 15 މިލިއަން ޑޮލަރު ދައްކަން ސައުދީ އަދި ޤަތަރުން އެއްބަސްވެއްޖެ
ސައުދީ އަދި ޤަތަރުން އެކަން ހާމަކޮށްފައި ވަނީ 20 އަހަރުގެ ތެރޭގައި ފުރަތަމަ ފަހަރަށް އައިއެމްއެފް އަދި ވޯލްްޑް ބޭންކުގެ ބައްދަލުވުމެއްގައި ސީރިއާގެ މަރުކަޒީ ބޭންކުގެ ގަވަރުނަރު އަދި މާލީ ވަޒީރު ބައިވެރިވެ ވަޑައިގެންނެވި ފަހުންނެވެ.
ބައްޝާރު އަލް އަސަދު ވެރިކަމުން ދުރުކުރި ފަހުން ފުރަތަމަ ހުކުރު ދުވަހުގެ ނަމާދަށް ފަހު ސީރިއާގެ ރައްޔިތުން ސީރިއާގެ އިންގިލާބީ ދިދައެއް ދައްކަނީ
ސީރިއާ އިން ވޯލްޑް ބޭންކަން ދައްކަން ޖެހޭ 15 މިލިއަން އެމެރިކާ ޑޮލަރުގެ ދަރަނި ދައްކައި ދިނުމަށް، ސައުދީ އަރަބިއްޔާ އަދި ޤަތަރުން އެއްބަސްވެއްޖެ އެވެ.
ސައުދީ އަރަބިއްޔާގެ ޕްރެސް އެޖެންސީން އާދީއްތަ ދުވަހު އާންމު ކުރި ނޫސް ބަޔާނެއްގައި ވަނީ އެކަން ހާމަކޮށްފަ އެވެ.
މިދިޔަ އަހަރުގެ ޑިސެމްބަރު މަހުގެ ތެރޭގައި ސީރިއާގެ ކުރީގެ ރައީސް ބައްޝާރުން އަލް އައްސަދު ވެރިކަމުން ވައްޓާލުމަށް ފަހު، ދެން ވެރިކަމާ ހަވާލުވި އައު ސަރުކާރާ އެކު ގުޅުން ބަދަހި ކުރުމުގެ މަސައްކަތް ސައުދީ އަދި ޤަތަރުން ވަނީ ކޮށްފަ އެވެ.
ސައުދީ އަދި ޤަތަރުން އެކަން ހާމަކޮށްފައި ވަނީ 20 އަހަރުގެ ތެރޭގައި ފުރަތަމަ ފަހަރަށް އައިއެމްއެފް އަދި ވޯލްްޑް ބޭންކުގެ ބައްދަލުވުމެއްގައި ސީރިއާގެ މަރުކަޒީ ބޭންކުގެ ގަވަރުނަރު އަދި މާލީ ވަޒީރު ބައިވެރިވެ ވަޑައިގެންނެވި ފަހުންނެވެ.
ސީރިއާގައި ހިނގަމުން އަންނަ ހަނގުރާމަ އަށް 14 އަހަރު ވެގެން ގޮސްފައިވާއިރު، އެ ޤައުމުގެ އިންފްރާސްޓްރަކްޗާގެ ބޮޑު ބައެއް ވަނީ ވީރާނަވެ، ހަލާކުވެފަ އެވެ.
އެ ބަޔާނުގައި ބުނެފައި ވަނީ އެ ނިންމުމުގެ ސަބަބުން، 14 އަހަރު ދުވަހުގެ މެދު ކެނޑުމަކަށް ފަހު، ވޯލްޑް ބޭންކުގެ އެހީތެރިކަން ސީރިއާ އަށް ލިބިގެން ދާނެ ކަމަށެވެ.
ހަނގުރާމައިގެ ސަބަބުން ހަލާކުވެފައިވާ ޤައުމު އަލުން ބިނާކުރުމަށާއި، އިޤްތިޞާދު އާރާސްތު ކުރުމަށް، ސީރިއާގެ އައު ސަރުކާރުން އަރަބި ޤައުމުތަކުގެ އެހީތެރިކަމަށް ވަރަށް ބޮޑަށް ބަރޯސާވާނެ ކަމަށް ލަފާ ކުރެވެ އެވެ.
