އާރިކިޅީގައި މަރުވެފައި އޮތް ބިދޭސީއެއް ފެނިއްޖެ
2 އެޕްރީލު 2025 | ބުދަ 06:50ނިޔާވެފައިވަނީ ބިދޭސީއެއް ނަމަވެސް އެއީ ކޮން ގައުމެއްގެ މީހެއްކަމެއް ފުލުހުން ނުބުނޭ
ޙުސައިން މަޚްތޫމް | 2 އެޕްރީލު 2025 | ބުދަ 06:50
އައްޑޫ ސިޓީ އާރިކިޅީގައި ހަބަރު ހުސްވެފައި އޮއްވާ ފެނުނީ ބިދޭސީއެއް
އައްޑޫ ސިޓީ އާރިކިޅީގައި މަރުވެފައި އޮތް ބިދޭސީއެއް ފެނިއްޖެއެވެ.
މި މައްސަލައާއި ގުޅިގެން ފުލުހުން ބުނީ އައްޑޫ ސިޓީގެ އާރިިކިޅީގައި ހަބަރު ހުސްވެފައި މީހަކު އޮތްކަމުގެ މައުލޫމާތު ބުދަ ދުވަހުގެ ހެނދުނު 9:33 ހާއިރު ފުލުހުންނަށް ލިބިފައިވާ ކަމަށެވެ.
އަދި އެމީހާ އައްޑޫ އެކުއެޓޯރިއަލް ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވެއެވެ.
ނިޔާވެފައިވަނީ ބިދޭސީއެއް ނަމަވެސް އެއީ ކޮން ގައުމެއްގެ މީހެއްކަމެއް ފުލުހުން ނުބުނެއެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
