އިސްދޫ ކަލައިދޫން ކަރަންޓު ކަނޑާތީ އާންމުންގެ ޝަކުވާ ބޮޑުވެއްޖެ
24 މާރިޗު 2025 | ހޯމަ 19:24އިސްދޫ ކަލައިދޫން ކަރަންޓު ކެނޑޭތާ މިއަދަށް ވަނީ ހަތަރު ދުވަސް ވެފައި
ފެނަކަ ކޯޕަރޭޝަން: ރަށްރަށުގެ ކަރަންޓުގެ މައްސަލަ އަށް އަދިވެސް ވަނީ ހައްލެއް ގެނެވޭގޮތް ނުވެފަ
މި ރޯދަ މަހު ރާއްޖޭގެ އެއްވެސް ރަށަކުން ކަރަންޓް ނުކެނޑޭ ކަމަށް ފެނަކަ ކޯޕަރޭޝަނުން ބުނެފައި ވަނިކޮށް ލ. އިސްދޫ ކަލައިދޫގެ އެކި ސަރަހައްދު ތަކުން އެކި ގަޑިތަކުގައި ކަރަންޓް ކަނޑަމުންދާތީ އެ ރަށުގެ އާއްމުން ކަންބޮޑުވުން ފާޅުކުރަން ފަށައިފިއެވެ.
އިސްދޫ ކަލައިދޫގެ އެކި ސަރަހައްދު ތަކުން ކަރަންޓް ކަނޑަމުންދާތާ ވަނީ ހަތަރު ދުވަސް ވެފައެވެ.
ނަން ނުޖެހުމަށް ޝަރުތުކޮށް އެ ރަށުން "ރާއްޖެ އެމްވީއަށް" މައުލޫމާތުދިން މީހަކު ބުނީ އިސްދޫ ކަލައިދޫން އެކި ގަނޑިތަކުގައި ކަރަންޓު ކަނޑާ މައްސަލަ ވަރަށް ބޮޑުވެފައިވާ ކަމަށާއި އެކަމުގެ ސަބަބުން އާންމުންނަށް އެތަކެއް ދަތިތަކަކާއި ކުރިމަތި ވަމުން އަންނަ ކަމަށެވެ.
އޭނާ ބުނީ އެ ރަށުން ކަރަންޓު ކަނޑަމުން ދަނީ ޖަނަރޭޓަރަކަށް މައްސަލަ ދިމާވެގެން ކަމަށެވެ. އެގޮތުން ކޮންމެ ދުވަހަކުވެސް މެންދުރު ފަހުގެ ވަގުތު ތަކުގައި ކަރަންޓު ކަނޑަމުން އަންނަކަމަށް އެމީހާ ބުންޏެވެ.
ކަރަންޓު ކެނޑުމުގެ މައްސަލަ ވަނީ މި ރަށަށް ވަރަށް ބޮޑުވެފައި. މިހާރު ހަތަރު ވަރަކަށް ދުވަސް ވެއްޖެ މިހާލަތެއްގަ އުޅޭތާ. ހަމަ ކޮންމެ ދުވަހަކު ވެސް އެންމެ އުނދަގޫ ވާ ގަޑިތަކުގައި ކަރަންޓު މި ކަނޑާލަނީ. އިރު އޮއްސޭ ވަގުތު އެންމެން ރޯދަ ވިއްލަން ތައްޔާރުވާ ވަގުތު ވެސް ކަރަން ޓު އެ ކަނޑާލާ. މިކަމާއި ޝަކުވާ ކުރާ މީހަކު ވެއްޖެއްޔާ އެމީހަކު ހުންނަނީ ބިރުވެރި ކަމެއްގެ ތެރެއަށް ވެއްޓިފައި. އެހެން ވެސް އެއްވެސް މީހަކަށް ނުކުރެވޭ ސީދާ މިކަމާއި ވާހަކައެއް ވެސް ދައްކާ ކަށް.ލ. އިސްދޫ ކަލައިދޫ ރައްޔިތެއް
އޭނާ އިތުރަށް ބުނީ ރަށުގެ ހާލަތު މިހާރު ގޮސްފައި އޮތް ހިސާބުން އާންމު ރައްޔިތުން ތިބީ ބޮޑު ބިރުވެރިކަމެއްގެ ތެރޭގައި ކަމަށެވެ. ރަށުން ކަރަންޓު ކެނޑޭ ވާހަކަ ދައްކާ މީހަކަށް ދާއިރާގެ އެމްޕީ މެދުވެރިކޮށް ވަޒީފާ ވެސް ހަމަޖައްސައިދޭ ކަމަށް އޭނާ ބުންޏެވެ.
އާންމުކޮށް މި ރޯދަ މަހު ރަށުގެ ހޮޅުއަށިތަކުގައި މީހުން ތިބެގެން މި ވާހަކަތައް ދައްކަނީ. އެތަނަށް ދާއިރާގެ އެމްޕީގެ އާއިލާ މީހުން މި ފޮނުވަނީ. ފޮނުވައިގެން އެކަން އޮއްބާލަން އެވާހަކަތައް ދައްކާ މީހުންނަށް ވަޒީފާ ހަމަޖައްސައިދޭން އެބަ ބުނޭ. ދޭން ނޫން ބަސް ބުނާ މީހުނަން އެހެން ގޮތް ގޮތުން ބިރުދައްކަން މަސައްކަތް ވެސް ކުރަމުން އަންނަނީ.ލ. އިސްދޫ ރައްޔިތެއް
އޭނާ އިތުރަށް ބުނީ ކަރަންޓުގެ މައްސަލަ ދިމާވުމުން އެންމެ ހާލަތު ގޯސްކޮށް އުޅެނީ ސުނާމީ ގެތަކުގައި ދިރިއުޅޭ ރައްޔިތުން ކަމަށެވެ. އެގޮތުން އެމީޙުންގެ ގެތަކުގައި ބޭނުން ކުރާ ފެން ވަޅުތައް ހުންނަނީ މަތިޖަހައި ބަންދުކޮށްފައި ކަމަށާއި އެގޮތުން ކަރަންޓު ކަނޑާލާ ކޮންމެ ފަހަރަކު އެ މީހުން ފެންކޮޅެއް ނުލިބި، ހަދާނެ ގޮތް ހުސްވެފައި ތިބެން ޖެހޭ ކަމަށެވެ.
އިސްދޫ ކަލައިދޫގައި ކަރަންޓުގެ މައްސަލަ ދިމާވެ ރައްޔިތުން ޝަކުވާ ކުރަމުން ގެންދާއިރު، އައްޑޫ ސިޓީގެ ގުޅިފައިވާ ރައްތަކުން ވެސް ކަރަންޓު ކެނޑޭ މައްސަލަ ވަނީ ބޮޑުވެފައެވެ.
