ލައިފް ސްޓައިލް
ރޯދަ ބަދިގެ 1441
ޕޮޓޭޓޯ އޮމްލެޓް ސޭންޑްވިޗް
ކުޅިކޮށް ކާން ބޭނުންވާ ފަރާތްތަކަށް މިރުސްވެސް އެޅިދާނެ
ނާޒުމީ ސައީދު, ރާއްޖެ އެމްވީ | 23 މެއި 2020 | ހޮނިހިރު 06:57
ޕޮޓޭޓޯ އޮމްލެޓް ސޭންޑްވިޗް
ތަވައަކަށް ތެޔޮ ފޮދެއް އަޅާފައި، އަލުވި، ފިޔާ، ލޮނު އަޅައިގެން ދޭފަތުން ހަލާށެވެ. މިގޮތަށް އަލުވިތައް މަޑުވާން ފެށުމުން ދޭފަތުން ޗަސްކޮށްލާށެވެ.
ދެން ބޯތައްޓަކަށް ހަތަރު ބިސް އަޅާފައި ގިރާލުމަށް ފަހު، ކުރިން ތައްޔާރު ކުރި އަލުވި އަޅާލާށެވެ. ބިހާ އަލުވި ރަނގަޅަށް އެއްކުރުމަށް ފަހު، ތަވައެއްގައި ތެޔޮ ހޭކުމަށްފަހު، އޭގެ ތެރެއަށް އެއްބައި އަޅާލާށެވެ. ދެން އޭގެ މައްޗަށް 4 ޗީޒް ފޮތްޗާއި މަސް އަޅާފައި، އަނެއްކާވެސް 4 ޗީޒް ފޮތި އަޅާލުމަށް ފަހު، ބާކީ ހުރި، އަލުވި މައްޗަށް އަޅާލާށެއެވެ. ދެން ބޯކިބާ ފިހޭހެން ދެ ފުށް ފިހެލާށެވެ.
