ޒެލޮޓް ކޮޅަށް ހުއްރިއްޔާ އިން 12 ލަނޑު ޖަހައިފި

މިހާރު ކުރިއަށްދާ، ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ވެޓަރަންސް ލީގުގައި ޒެލޮޓްއާ ދެކޮޅަށް ކުޅުނު މެޗުން ހުއްރިއްޔާ އިން ބޮޑު މޮޅެއް ހޯދައިފި އެވެ.

މުބާރާތުގައި ޒެލޮޓްގެ ފުރަތަމަ މެޗުގައި ވަނީ ދިވެހި ސިފައިންގެ ކުލަބު އަތުން ބަލިވެފަ އެވެ. ހުއްރިއްޔާގެ ފުރަތަމަ މެޗުގައި ވަނީ ވިލިމާލެ ޔުނައިޓެޑާ އެއްވަރު ކޮށްފަ އެވެ.

އަންގާރަ ދުވަހުގެ ހަވީރު މާފަންނު ޓާފް ދަނޑުގައި ކުޅުނު މެޗުގައި ހުއްރިއްޔާާ އިން ވަނީ 12-1 އިން ޒެލޮޓްގެ މައްޗަށް ކުރި ހޯދައިފަ އެވެ. މެޗުގެ ފުރަތަމަ ހާފުގައި ހުއްރިއްޔާ އިން އެއްް ލަނޑު ޖެހިއިރު، ޒެލޮޓް އިން އެ ޓީމުގެ ހަމައެކަނި ލަނޑު ޖެހި އެވެ. މެޗުގައި ހުއްރިއްޔާގެ އަނެއް ފަސް ލަނޑު އެ ޓީމުން ޖެހީ ދެ ވަނަ ހާފުގަ އެވެ.

މިއަހަރުގެ ވެޓަރަންސް ލީގު ކުރިއަށް ދާނީ މި މަހުގެ 27 ވަނަ ދުވަހުގެ ނިޔަލަށެވެ. މިއަހަރުގެ މުބާރާތުގައި ޖުމުލަ 10 ޓީމަކުން ބައިވެރިވެ އެވެ.

މުބާރާތް ކުރިއަށް ގެންދަނީ ދެ ގުރޫޕަކަށް ބަހާލައިގެންނެވެ. އެގޮތުން ގުރޫޕު އޭގައި އޮތީ ދިވެހި ސިފައިންގެ ކުލަބު، ވިލިމާލެ ޔުނައިޓެޑު، ހުޅުމާލޭ ވެޓަރަންސް ކުލަބު، ޒެލޮޓް އަދި ހުއްރިއްޔާ އެވެ. ގުރޫޕު ބީ ގައި ހިމެނެނީ ޕޮލިސް ކުލަބު، ސްޓެލްކޯ، ކުލަބު އީގަލްސް، މުއިވެޔޮ އަދި ދަ ގްރާންޑޭ އެވެ.