ގޭހަށްދޭ އިންޖެކްޝަނެއްގައި ކޮލިޓީ މައްސަލަތަކެއް ފާހަގަކުރެވުމުން ވިއްކުމާއި ބޭނުން ކުރުން މަނާކޮށްފި
6 މާރިޗު 2025 | ބުރާސްފަތި 08:10މައްސަލަ ދިމާވެފައިވަނީ ޕެންޓޮޕް ނަމަކަށް ކިޔާ 40 އެމްޖީގެ އިންޖެކްޝަންގައި
ޕެންޓޮޕް އިންޖެކްޝަން
ގޭހަށްދޭ އިންޖެކްޝަނެއްގައި ކޮލިޓީ މައްސަލަތަކެއް ފާހަގަކުރެވުމުން ވިއްކުމާއި ބޭނުން ކުރުން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން މަނާކޮށްފިއެވެ.
ބުރާސްފަތި ދުވަހު އެމްއެފްޑީއޭއިން ބުނީ ރާއްޖެ އެތެރެކޮށް ބޭނުން ކުރަމުންދާ ޕެންޓޮޕް ނަމަކަށް ކިޔާ 40 އެމްޖީގެ އިންޖެކްޝަންގައި ކޮލިޓީ މައްސަލަތަކެއް ފާހަގަކުރެވިފައިވާ ކަމަށެވެ. އަދި މި އިންޖެކްޝަނުގެ ބެޗް EMPH243030 ރާއްޖެ އެތެރެކުރުމާއި ވިއްކުން އަދި ބޭނުންކުރުން މަނާކޮށްފައިވާ ކަމަށެވެ.
އެމްއެފްޑީއޭއިން ވަނީ މި ޕްރޮޑަކްޓް އެއްވެސް ޕާމަސީއެއް ނުވަތަ ސިއްހީ ޚިދުމަތްދޭ ތަނެއްގައި ހުރިނަމަ އެކަން އެ އޮތޯރިޓީއަށް ހިއްސާ ކޮށްދިނުމަށް އެދިފައެވެ. އަދި ބޭސް ނައްތާލުމަށް ހަމަޖެހިފައިވާ އުސޫލާއި، އެއްގޮތަށް ބޭސްތައް ނައްތާލުމުގެ ކަންކަން ކުރިއަށް ގެންދިއުމަށް އެދިފައިވެއެވެ.
މީގެ އިތުރުން އެމްއެފްޑީއޭއިން ބުނީ ބޭހުގެ ރައްކާތެރިކަން ކަށަވަރު ކުރުމަށް ބޭސް އެއްތަނުން އަނެއްތަނަށް އުފުލުމާއި، ގުދަންކުރުމުގައި ބަހައްޓަންޖެހޭ މިންގަނޑުތައް ބޭސް އިމްޕޯޓުކޮށް ވިއްކާ ފަރާތްތަކަށް އަންގާފައިވާ ކަމަށެވެ.
