ބެޓިސް އަތުން ބަލިވެ، ރެއާލް އިން ފުރުސަތު ނަގާލައިފި

ސްޕެނިޝް ލީގުގައި ރެއާލް ބެޓިސްއާ ދެކޮޅަށް ކުޅުނު މެޗުން ބަލިވެ، ލީގު ތާވަލްގެ ކުރިއަށް ޖެހިލަން ލިބުނު ފުރުސަތު ރެއާލް މެޑްރިޑުން ނަގާލައިފި އެވެ.

ބެޓިސްގެ އަމިއްލަ ދަނޑުގައި ހޮނިހިރު ދުވަހުގެ ރޭ ރެއާލާ ދެކޮޅަށް ކުޅުނު މެޗު އެ ޓީމުން ކާމިޔާބު ކުރީ 2-1 އިންނެވެ. މެޗުގައި ރެއާލް އިން ލަނޑު ޖަހައި ކުރި ހޯދާފައި ވަނިކޮށް، ބެޓިސް އިން ވަނީ ފަހަތުން އަރައި ދެ ލަނޑު ޖަަހައިގެން މެޗުން މޮޅުވެފަ އެވެ.

މެޗު ފަށައިގެން ދިހަ ވަނަ މިނެޓުގައި ރެއާލަށް ކުރި ހޯދައިދިނީ ބްރަހިމް ޑިއާޒް އެވެ. އެއީ ފާލަންޑް މެންޑީ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. ފުރަތަމަ ހާފު ނިމުމުގެ ކުރިން ބެޓިސް އިން ވަނީ ލަނޑު ޖަހައި ނަތީޖާ ހަމަހަމަ ކޮށްފަ އެވެ.

މެޗުގެ ފުރަތަމަ ހާފުގެ 34 ވަނަ މިނެޓުގައި އިސްކޯ ތަނަވަސްކޮށްދިން ފުރުސަތެއްގައި ބެޓިސް އަށް އެ ލަނޑު ޖަހައިދިނީ ޖޯނީ ކާޑޯސޯ އެވެ. އޭގެ ފަހުން މެޗުގެ ދެ ވަނަ ހާފު ފަށައިގެން ކުރީ ކޮޅު ބެޓިސް އަށް ލިބުނު ޕެނަލްޓީ ކާމިޔާާބުކޮށް، އެ ޓީމަށް ލީޑު ނަގައިދިނީ އިސްކޯ އެވެ.

މެޗުން ބަލިވެ ރެއާލް އޮތީ ލީގު ތާވަލްގެ ތިން ވަނައިގަ އެވެ. އެއީ މިހާތަނަށް ކުޅެފައިވާ 26 މެޗުން 54 ޕޮއިންޓެވެ. ރެއާލަށް ވުރެ އެއް މެޗު މަދުން ކުޅެގެން ދެ ވަނައިގައި އޮތް ބާސެލޯނާ އަށް ވެސް ލިބެނީ 24 ޕޮއިންޓެވެ.