އުރީދޫ ނޭޝަން ގޭމާރސް ލޭންޑް: ކުލަގަދަ ހަފްލާއަކާއެކު އަލްޓިމޭޓް ގޭމިންގ ފެސްޓިވަލް ނިންމާލައިފި
23 ފެބުރުއަރީ 2025 | އާދީއްތަ 17:16ހައިޝަމް ވަޙީދު ވަނީ "އަލްޓިމޭޓް ޕްލޭޔަރ"ގެ ޝަރަފުވެރި ލަގަބާއި ތަށި ހޯދާފައި
އުރީދޫ ނޭޝަން: އަލްޓިމޭޓް ގޭމިންގ ފެސްޓިވަލްގެ އުރީދޫ ނޭޝަން އަލްޓިމޭޓް ޕްލޭޔަރ ހައިޝަމް ވަހީދަށް އުރީދޫ ނޭޝަންގެ ތާޖު އަޅުވަނީ
އުރީދޫ ނޭޝަން ގޭމާރސް ލޭންޑް: ދަ އަލްޓިމޭޓް ގޭމިންގ ފެސްޓިވަލް ކުލަގަދަ ހަފްލާއަކާއެކު ނިންމާލައިފިއެވެ.
އުރީދޫ ނޭޝަން ގޭމާރސް ލޭންޑް: ދަ އަލްޓިމޭޓް ގޭމިންގ ފެސްޓިވަލް ކުލަގަދަ ހަފްލާއަކާއެކު ނިންމާލީ، ގޭމިންގ އަށް ޝައުގުވެރިވާ ފަރާތްތަކާއި އީސްޕޯޓްސް އެތުލީޓުން އެއްތަނަކަށް ގެނެސް ފޯރިއާއެކުއެވެ. މާލޭގެ އުސްފަސްގަންޑުގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން ޢަބްދުﷲ ރާފިޢުއެވެ
މި ފެސްޓިވަލް ފެށުނީ ވައިބްރަންޓް ކޮސްޕްލޭ ސެގްމެންޓަކުންނެވެ. މި ފެސްޓިވަލްގައި ހުނަރުވެރި ބައިވެރިން ވަނީ އައިކޮނިކް ގޭމިންގ އާއި އެނިމޭ ކެރެކްޓާތައް ދިރުވައި އެ މީހުންގެ އުފެއްދުންތެރިކަން ދައްކާލާފަ އެވެ. އެންމެ މޮޅު ކޮސްޕްލޭޔަރުން ފާހަގަކޮށް މި ހަފްލާގައި އެވޯޑް ދީފައިވެއެވެ.
އެންމެ ޝަރަފުވެރި އެވޯޑު ކަމަށްވާ އަލްޓިމޭޓް ޕްލޭޔަރ އިއުލާނުކޮށް، އަހަރުގެ އެންމެ މޮޅު ކުޅުންތެރިންގެ އަގު ވަޒަންކުރެވިގެންދިޔައެވެ. ވަރުގަދަ ވާދަވެރިކަމަކަށްފަހު ހައިޝަމް ވަޙީދު ވަނީ "އަލްޓިމޭޓް ޕްލޭޔަރ"ގެ ޝަރަފުވެރި ލަގަބާއި ތަށި ހޯދާފައެވެ.
މުބާރާތް ނިންމުމުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރު ރާފިއު ވަނީ ރާއްޖޭގައި އީ-ސްޕޯޓްސް އާއި ގޭމިންގ ސަގާފަތް ކުރިއެރުވުމުގައި އުރީދޫ ނޭޝަން އިން އަދާކުރަމުން އަންނަ ދައުރަށް ތައުރީފް ކުރައްވާފައެވެ. މިނިސްޓަރ ވިދާޅުވީ ގޭމިންގ އާއި އީސްޕޯޓްސް އަކީ ދުނިޔޭގެ މުނިފޫހިފިލުވުމާއި ޑިޖިޓަލް އިނޮވޭޝަންގެ ބޮޑު ބަޔަކަށް ވެއްޖެ ކަމަށާއި، ގޭމަރސް ލޭންޑް ފަދަ އިވެންޓްތަކުން ހުނަރުވެރި ގޭމަރުންނަށް ޕްލެޓްފޯމެއް ލިބުމުގެ އިތުރުން ރާއްޖޭގެ އިންޑަސްޓްރީ ކުރިއެރުވުމަށް ވެސް އެހީތެރިވެދޭ ކަމަށެވެ.
އުރީދޫ މޯލްޑިވްސް އަކީ އުރީދޫ ނޭޝަން މެދުވެރިކޮށް ގޭމިން ކޮމިއުނިޓީ ބާރުވެރިކުރުވައި، ޑިޖިޓަލް ޒަމާނުގައި ކުޅުންތެރިންނަށް ވާދަކޮށް، ގުޅާލައި، ކުރިއެރުމުގެ ފުރުސަތު ތައް ފަހިކޮށްދިނުމުގައި ދެމިއޮންނާނެ ކުންފުންޏެއް ކަމަށް އުރީދޫއިން ބުނެއެވެ.
ޕަބްޖީ މޮބައިލް
- ޗެމްޕިއަން (50،000 ރުފިޔާ) - އެސްޑީއެމްޒީ ސްޕޯޓްސް
- ދެވަނަ (20،000 ރުފިޔާ) - އަކަޒާޔާ އީސްޕޯޓްސް
- ތިންވަނަ (15،000 ރުފިޔާ) - އެލްއެފް ސްކައިފޯސް
- ހަތަރުވަނަ (10،000 ރުފިޔާ) - އެސްޑީއެމްޒީ އެންޖީ
- އެމްވީޕީ (5000 ރުފިޔާ) - އެސްޑީއެމްޒައިއްޓެ
މޯބައިލް ލެޖެންޑްސް: ބޭންގް ބޭންގް (އެމްއެލްބީބީ)
- ޗެމްޕިއަން (20،000 ރުފިޔާ) - އެލްއެންއެން ސްލީޕިންގ
- ދެވަނަ (15،000 ރުފިޔާ) - ވިގަނި
- ތިންވަނަ (10،000 ރުފިޔާ) - އެލްއެންއެން އެސްއެލްއެފްއޯ ޕައިލަޓް
- އެމްވީޕީ (5000 ރުފިޔާ) - ރީޕަރ މާލް
އީއޭއެފްސީ
- ޗެމްޕިއަން (20،000 ރުފިޔާ) - ޒަމީލް ޒިހުނީ
- ދެވަނަ (15،000 ރުފިޔާ) - ޖަނާން މުހައްމަދު
- ތިންވަނަ (10،000 ރުފިޔާ) - މުހައްމަދު އައިމަން
- ޓޮޕް ސްކޯރަރ (5000 ރުފިޔާ) - ޒަމީލް ޒިހުނީ (62 ގޯލް)
ކޮސްޕްލޭ މުބާރާތް
- އެއްވަން (5000 ރުފިޔާ) - އައިޝަތު ޚުމައިސާ ބިންތު ޔޫސުފް
- ދެވަނަ (3000 ރުފިޔާ) - މަރިޔަމް އަރީން ޝަހީދު
- ތިންވަނަ (2000 ރުފިޔާ) - މުހައްމަދު އަމީރު އާމިރު
އުރީދޫ ނޭޝަން އަލްޓިމޭޓް ޕްލޭޔަރ
- ވިނަރ (30،000 ރުފިޔާ) - ހައިޝަމް ވަހީދު
