"ސިޔާސީ ޕާޓީތަކަށް މީހުން ވެއްދުމުގައި ގެނައި ބަދަލަކީ ޑރ.މުއިއްޒު އައި އީސީ އިން ގުޅިގެން ހިންގި ޖަރީމާ އެއް"
15 ފެބުރުއަރީ 2025 | ހޮނިހިރު 14:32ސަރުކާރުން އީ-ފާހުގެ ނިޒާމް މެދުވެރިކޮށް ސިޔާސީ ޕާޓީތަކަށް މެމްބަރުން ބަދަލުކުރެވޭ ގޮތަށް ހިންގި ގަވާއިދު ބަދަލަކީ ރައީސް އާއި އިލެކްޝަންސް ކޮމިޝަނުން ހިންގި ޖަރީމާއެއް ކަމަށް އެމްޑީޕީގެ ނައިބު ޗެއަރޕަރސަން އިބުރޭ ވިދާޅުވިއެވެ. އީ-ފާހުގެ ނިޒާމް މެދުވެރިކޮށް މެމްބަރުން ވެރިފައިކުރުމަކީ އެމްޑީޕީން ތާއީދުކުރާ ކަމެއްނަމަވެސް، ސީދާ އީ-ފާހުން ޕާޓީ ބަދަލުކުރުމަކީ ރަނގަޅު ގޮތެއް ނޫން ކަމަށް އޭނާ ވިދާޅުވިއެވެ.
ސިޔާސީ ޕާޓީތަކުގެ ހިންގާ ގަވާއިދު ބަދަލަކީ ރައީސް އާއި އިލެކްޝަންސް ކޮމިޝަނުން ހިންގި ޖަރީމާއެއް ކަމަށް އެމްޑީޕީގެ ނައިބު ޗެއަރޕަރސަން އިބުރޭ ވިދާޅުވި
އެމްޑީޕީގެ ޗެއަރޕަރސަންގެ ނައިބު އިބްރާހިމް ވަހީދު
ސަރުކާރުގެ ޑިޖިޓަލް އައިޑެންޓިޓީ ނިޒާމް އީ-ފާސް މެދުވެރިކޮށް ސިޔާސީ ޕާޓީތަކަށް ރެޖިސްޓްރީވެވޭ ގޮތަށް މިހާރު ގެނެސްފައިވާ ބަދަލަކީ ސިޔާސީ ޕާޓީތަކަށް މީހުން ވެއްދުމުގައި ގެނައި ބަދަލަކީ ރައީސް ޑރ.މުހައްމަދު މުއިއްޒު އާއި ގުޅިގެން އިލެކްޝަންސް ކޮމިޝަނުން ހިންގި ޖަރީމާ އެއް ކަމަށް މޯލްޑިވިއަން ޑިމޮކްރެޓިކް ޕާޓީ އެމްޑީޕީގެ ޗެއަރޕަރސަންގެ ނައިބު އިބްރާޙިމް ވަހީދު (އިބުރޭ) ވިދާޅުވެއްޖެއެވެ.
އޭނާ އެފަދައިން ވިދާޅުވި އެމްޑީޕީގެ ހަރުގެ ޖަލްސާގައި ވާހަކަދައްކަވަމުންނެވެ.
ސަރުކާރުގެ ޑިޖިޓަލް އައިޑެންޓިޓީ ނިޒާމް އީ-ފާސް މެދުވެރިކޮށް ސިޔާސީ ޕާޓީތަކަށް ރެޖިސްޓްރީވެވޭ ގޮތަށް ސިޔާސީ ޕާޓީގެ ގަވާއިދު އިސްލާޙުކޮށް އިލެކްޝަންސް ކޮމިޝަނުން ވަނީ މި ހިނގާ ފެބްރުއަރީ މަހުގެ ތެރޭގައި ހާމަކޮށްފައެވެ.
ޕާޓީތަކުގައި މެމްބަރުން ދަފްތަރުކުރާ ގޮތާއި މެދު ކަންބޮޑުވުންތަކެއް ހުރި ކަމަށް އޭނާ ވަނީ ވިދާޅުވެފައެވެ. އޭނާ ވިދާޅުވީ އީފާސް މެދުވެރިކޮށް މެމްބަރުން ވެރިފައި ކުރުމަކީ އެމްޑީޕީން ތާއީދުކުރާ ކަމެއް ކަމަށެވެ.
އެހެންނަމަވެސް އެފަދަ މަރުހަލާއަކާއި ނުލާ އީފާސް ޕޯޓަލް އަށް ވަދެގެން ޕާޓީ ބަދަލުކުރުމަކީ އެންމެ ފުރިހަމަ ގޮތް ނޫން ކަމަށް އޭނާ ވިދާޅުވިއެވެ. އީފާހުގެ ޒަރީއާއިން ޚިދުމަތްތައް ހޯދާ ބީދައިން، އީފާސް މެދުވެރިކޮށް ޕާޓީތަކަށް ވަނުމުގެ ފޯރމް ފުރުމަކީ މައްސަލަ އެއް ނޫން ކަމަށެވެ. އެހެންނަމަވެސް ސީދާ އީފާސް ލޮގިން ބޭނުންކޮށްގެން ޕާޓީތަކަށް ވަނުމަކީ އެއީ އެންމެ ރަނގަޅު ގޮތް ނޫން ކަމަށް އޭނާ ވިދާޅުވިއެވެ.
ޕާޓީ އަށް ވަންނަ މީހަކު ވާނެ އެމްޑީޕީގެ ޤަވާއިދުތަކަށް ހުރުމަތްތެރިކޮށް ހިތަން ވެސް. އެއްބަސްވާ ކަންތައްތަކެއް ވެސް ހުންނަންވާނެ. މިކަންކަން ފުރިހަމަ އެއް ނުވޭ. ވެރިފައި ކުރުން އަޅުގަނޑުމެން ގަބޫލު. ކަންބޮޑުވުންތައް އެބަ ހުރި. އެކަން ވާނެ ފާހަގަކޮށްފަ.އެމްޑީޕީގެ ޗެއަރޕަރސަންގެ ނައިބު އިބްރާޙިމް ވަހީދު (އިބުރޭ)
އީ-ފާސް މެރުވެރިކޮށް ޕާޓީތަކުގައި ދަފްތަރުވާ ގޮތަށް ހެދުމަށް އޮޅުވާލައިގެން ޕާޓީއަށް ވައްދާ މައްސަލަ ހައްލުވާނެ ކަމަށް އިލެކްޝަންސް ކޮމިޝަނުން ވަނީ ބުނެފައެވެ. އަދި މިހާރު އަމަލުކުރަމުންދާ ސިޔާސީ ޕާޓީގެ ގަވާއިދުގައި މި ބަދަލު ވަނީ ހިމަނާފައެވެ.
އެ އިސްލާހުގައި ބުނެފައި ވަނީ ސިޔާސީ ޕާޓީ އުފެއްދުމަށް ހުއްދަދޭ ދުވަހުން ފެށިގެން 3 މަސްދުވަހުގެ ތެރޭގައި މަދުވެގެން 3,000 މީހުންގެ މައުލޫމާތު އިލެކްޝަން ކޮމިޝަނުގެ "ސިމެދަ" ޕޯޓަލް މެދުވެރިކޮށް ހުށަހަޅަންޖެހޭނެ ކަމަށެވެ. އެ ޕޯޓަލަކީ އިލެކްޝަންސް ކޮމިޝަންގެ ބެލުމުގެ ދަށުން ސިޔާސީ ޕާޓީގެ މެންބަރުންގެ ދަފްތަރު ބެލެހެއްޓޭ ގޮތަށް އެކުލަވާލާފައިވާ ޕްލެޓްފޯމެކެވެ. އެ ބަދަލު ގެނައުމުގެ ކުރިން އީސީން ބަލަން ޖެހޭ ކަންކަން ބަލާފައި ނުވާ ކަަމަށް އިބްރާހިމް ވަހީދު ވިދާޅުވިއެވެ. އަދި އުސޫލާއި ޚިލާފަށް ޕީއެންސީ އަށް ވައްދާފައިވާ އެތައް ބަޔަކު އެ ޕާޓީގައި ތަޅު އެޅުވިފައިވާ ކަމަށް އޭނާ ވަނީ ވިދާޅުވެފައެވެ.
ޕީއެންސީއަށް މީހުން ވެއްދުމަށް ވަގު ފޯމް ހުށަހަޅައި ހިންގި ހިޔާނާތުގައި އިލެކްޝަން ކޮމިޝަން (އީސީ)ގެ ބައިވެރިވުން އޮތް ކަމަށް މީގެ ކުރިން ވެސް އެމްޑީޕީން ވަނީ ތުހުމަތުކޮށްފައެވެ. ސަބަބަކީ ވަގު ފޯމް ހުށަހަޅައި ޕީއެންސީއަށް އެމްޑީޕީގެ މެންބަރުން ހިމެނޭ ގޮތަށް ގިނަ އަދަދެއްގެ އާއްމު ރައްޔިތުން އެޕާޓީއަށް ވައްދާފައިވާ މައްސަލައިގައި އެކަށީގެންވާ ފިޔަވަޅުތަކެއް އެޅިފައި ނުވުމެވެ.
