ބަލި މީހެއްގެ އެކްސްރޭ ލީކުވި މައްސަލައެއް ހެލްތް މިނިސްޓްރީން ބަލަން ފަށައިފިއެވެ.
އަންގާރަ ދުވަހު ސޯޝަލް މީޑިއާގައި އާއްމުންގެ މީހެއްގެ އެކްސްރޭއެއް ވަނީ އާއްމުވެފައެވެ. ގިނަ ބައެއްގެ ސަމާލުކަމަށް މިކަން އައިސްފައިވާއިރު، ބަލި މީހެއްގެ ޒާތީ މައުލޫމާތު ހޮސްޕިޓަލަކުން އާއްމުވުމުން ގިނަ ބައެއް ފާޑުކިޔުން ވަނީ ހެލްތު މިނިސްޓްރީ އަށް އަމާޒުވެފައެވެ.
މިމައްސަލައާ ގުޅިގެން ނޫސްވެރިން ސުވާލު ކުރުމުން، ހެލްތް މިނިސްޓްރީން ބުނެފައިވަނީ މިމައްސަލަ ސަމާލުކަމަށް އައިސްފައިވާ ކަމަށާއި، މައްސަލަ ބަލަމުންދާ ކަމަށެވެ. އަދި ބަލި މީހެއްގެ ޒާތީ މައުލޫމާތު އާއްމުކޮށްފައިވާތީ ފިޔަވަޅު އަޅާނެ ކަމުގެ ޔަގީންކަން ވެސް މިނިސްޓްރީން ދީފައިވެއެވެ.
ނަމަވެސް މި އެކްސްރޭ އާއްމުކޮށްފައިވަނީ ކޮން ހޮސްޕިޓަލަކުން ކަމެއް ހެލްތް މިނިސްޓްރީން ހާމަކޮށްފައިނުވެއެވެ.
