ގާޑިއޯލާ ބުނީ ބްރޫޖް މެޗަކީ ސިޓީ އަށް އޮތް ފުރުސަތެއް ކަމަށް!

ޔުއެފާ ޗެމްޕިއަންސް ލީގުގައި ކުލަބު ބްރޫޖާ ދެކޮޅަށް ކުޅޭ މެޗަށް ނިކުންނައިރު، އެ މެޗަކީ ސިޓީ އަށް އޮތް ފުރުސަތެއް ކަމަށް އެ ޓީމުގެ ކޯޗު ޕެޕް ގާޑިއޯލާ ބުނެފި އެވެ.

ބްރޫޖް މެޗުގެ ކުރިން އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުން ގާޑިއޯލާ ބުނީ މިވަގުތު ސިޓީ އަށް ޙާލަތަަކީ މާބޮޑު މައްސަލައެއް ނޫން ކަމަށެވެ. ނަމަވެސް އެއީ މުބާރާތުގައި ކުރިއަށް ދާން ސިޓީ އަށް ލިބޭ މުހިންމު ފުރުސަތެއް ކަމަށް ވެސް ގާޑިއޯލާ ވަނީ ބުނެފަ އެވެ. އެ މެޗުން މޮޅުވެ ސިޓީ އަށް މުބާރާތުގައި ކުރިއަށް ދިޔުމުގެ ފުރުސަތު އޮތްއިރު، ބަލިވެއްޖެ ނަމަ އެ ފުރުސަތު ނޯންނާނެ ކަމަށް ގާޑިއޯލާ ބުންޏެވެ.

މީގެ އިތުރުން ގާޑިއޯލާ ބުނީ އެނެއް ބުރުގައި ކުޅެން ސިޓީން ބޭނުންވާ ކަމަށާއި، އެކަމަށްޓަކައި އިތުރު ދެ މެޗު ކުޅެން ވެސް ސިޓީ އޮތީ ބޭނުންވެފައި ކަމަށެވެ. ބްރޫޖް މެޗަށް ނިކުންނައިރު ސިޓީއާ ގުޅޭ ގޮތުން ގާޑިއޯލާ ބުނީ، އެކަހަލަ މެޗުތަކާ މީގެ ކުރިން ވެސް އެތައް ފަހަރެއްގެ މަތިން އޭނާ ކުރިމަތިލާފައިވާނެ ކަމަށެވެ. ކުރިން ވެސް އަދި ފަހުން ވެސް އެކަހަލަ މެޗުތައް ކުޅެން ޖެހޭއިރު، އެއީ ފުޓުބޯޅައިގައި ދިމާވާނެ ޙާލަތެއް ކަމަށް ގާޑިއޯލާ ވަނީ ސިފަ ކޮށްފަ އެވެ.

ގާޑިއޯލާ ބުނީ ޗެެމްޕިއަންސް ލީގުގައި ސިޓީ އޮންނަނީ ސަބަބެއް އޮވެގެން ކަމަށާއި، ސިޓީ ކުރަން ޖެހޭ މަސައްކަތް ވެސް އިނގޭ ކަމަށެވެ. އަދި މިހާތަނަށް އައިއިރު، ސިޓީ އޮތީ އެންމެ ރަނގަޅު ޙާލަތުގައި ނޫން ކަމަށާއި، މިހާރު އޮތް ޙާލަތަކީ ފުޓުބޯޅަ އަދި ކުޅިވަރުގައި އޮންނަ ޙާލަތެއް ކަމަށް ގާޑިއޯލާ ބުންޏެވެ. އަދި އެއީ ކޮންމެ ބަޔަކު ވެސް ކުރިމަތިލާން ޖެހޭނެ ޙާލަތެއްކަން ޤަބޫލު ކުރަން ޖެހޭ ކަމަށް ގާޑިއޯލާ ވަނީ ބުނެފަ އެވެ.

ބްރޫޖް މެޗާ ކުރިމަތިލާއިރު، ޗެމްޕިއަންސް ލީގުގައި ސިޓީ އޮތީ 25 ވަނައިގަ އެވެ. އެ މެޗުން މޮޅުވެގެން ނޫން ގޮތަކަށް، ސިޓީ އަށް މުބާރާތުގައި ކުރިއަށް ދިޔުމުގެ ފުރުސަތެއް ނޯންނާނެ އެވެ. އެ މެޗުން ބަލިވެއްޖެ ނަމަ، ސިޓީ ވެއްޓޭނީ ޔުއެފާ ޔޫރޮޕާ ލީގަށެވެ. އެ މެޗުން މޮޅުވެ، ކޮލިފިކޭޝަން ކުޅުމުގެ ފުރުސަތު ސިޓީ އަށް އޮންނާނެ އެވެ.