ޓޯކިޔޯގެ ނީލަމެއްގައި ކަންނެއްޔެއް 1 މިލިއަން ޕައުންޑަށް ވުރެ ބޮޑުކޮށް ވިއްކާލައިފި
ޖަޕާނުގެ ޓޮޔޯސޫ މަސް މާރުކޭޓުގައި އަހަރުގެ ފުރަތަމަ ނީލަމުގައި ފުރަތަމަ ނީލަން ކިޔާ މަސް ލިބުމަކީ ހެޔޮ ފާލެއް ކަމަށް މަސް ގަންނަ ފަރާތްތަކުން ޤަބޫލުކުރެއެވެ.
މި ކަންނެލި ބާނާފައިވަނީ ޖަޕާނުގެ އުތުރުގެ އޮމާ ޓައުންގެ ކަނޑުގެ ސަރަހައްދުންނެވެ. މި ކަންނެލި ބޭނުންކުރާނީ ސުޝީ ރެސްޓޯރެންޓްތަކުގައި ކަމަށް ކަންނެލި ގަތް އޮނޮދެރާ ގްރޫޕުން ބުނޭ
ޓޯކިޔޯގެ މަސް މާރުކޭޓެއްގެ ނީލަމެއްގައި ކަންނެއްޔެއް 1 މިލިއަން ޕައުންޑަށް ވުރެ ބޮޑު އަގަކަށް ވިއްކާލައިފިއެވެ.
ޓޮޔޯސޫ މަސް މާރުކޭޓުގައި ކީ ނީލަމުގައި 276 ކިލޯގެ މި ބޮޑު ކަންނެލި ވިއްކާލީ 207 މިލިއަން ޔެން (1.05 މިލިއަން ޕައުންޑް) އަށެވެ.
މި ނީލަމުގައި އެންމެ މަތީ އަގު ހުށަހެޅީ ޖަޕާނުގައި މަގްބޫލު ސުޝީ ރެސްޓޯރަންޓް ހިންގާ އޮނޮދެރާ ގްރޫޕާއި ހޯލްސޭލަރ ޔަމަޔުކީ ގުޅިގެންނެވެ.
މިހާތަނަށް ކަންނެއްޔަކަށް ހުށަހެޅި އެންމެ މަތީ އަގަކަށް އޮތީ 2019 ގައި ރެސްޓޯރަންޓް ހިންގާ ފަރާތެއް ކަމަށްވާ ކިޔޯޝި ކިމުރާ 278 ކިލޯގެ ބޮޑު ކަންނެއްޔަކަށް ދެއްކި 333.6 މިލިއަން ޔެން (1.7 މިލިއަން ޕައުންޑް) އެވެ.
ޖަޕާން ޓައިމްސްގެ ރިޕޯޓުގައިވާ ގޮތުން، މި މަސް ގަތް ފަރާތްތަކުން މި ކަންނެއްޔަށް އެހާ ބޮޑު އަގެއް ހުށަހެޅީ އޭގެ ތާޒާ ކަމަށް ބަލާފައި ކަމަށެވެ.
ޓޯޔޯސޫ މަސް މާރުކޭޓަކީ ދުނިޔޭގެ އެންމެ ބޮޑު މަސް މާރުކޭޓް ކަމަށް އޮފިޝަލުން ބުނެފައިވެއެވެ.
އަހަރުގެ ފުރަތަމަ ނީލަމުގައި ފުރަތަމަ މަސް ހޯދުމަކީ ހެޔޮ ފާލެއް ކަމަށް ޖަޕާނުގައި މަސް ގަންނަ ފަރާތްތަކުން ޤަބޫލުކުރެއެވެ.
