ހާލުކޮޅު ގޯސްވެ، މެންބަރު ޚަލީލު އެޑްމިޓް ކޮށްފި
20 އޯގަސްޓު 2017 | އާދީއްތަ 15:31ގަދައަށް ހުން އައިސް ވަރުދެރަވުމުން ކަމަށް
ނިލަންދޫ ދާއިރާގެ މެންބަރު ޑރ. އަބްދުﷲ ޚަލީލް
ޕީޕީއެމްގެ ސެކްރެޓަރީ ޖެނެރަލް، ރައްޔިތުންގެ މަޖިލީހުގެ ނިލަންދޫ ދާއިރާގެ މެންބަރު ޑރ. އަބްދުﷲ ޚަލީލު އައިޖީއެމްއެޗް ގައި އެޑްމިޓްކޮށް ފަރުވާދޭން ފަށައިފި އެވެ.
ޕީޕީއެމްގެ އޮފިޝަލަކު ވިދާޅުވީ ޑރ. ޚަލީލަށް ފަރުވާ ދެމުންދަނީ ގަދައަށް ހުން އައިސް ރޯނގާ ޖެހުމުގެ ސަބަބުން ކަމަށެވެ.
އޭނާ ވިދާޅުވީ ޚަލީލުގެ ހާލު ސީރިއަސް ނޫން ކަމަށާއި އެހެން ނަމަވެސް، ޑޮކްޓަރުން ލަފާދެއްވާފައި ވަނީ ހުން މަޑުވަންދެން އެޑްމިޓްކޮށްގެން ފަރުވާ ދިނުމަށް ކަމަށެވެ.
ޚަލީލު އެޑްމިޓް ކޮށްގެން ފަރުވާ ދެމުންދާއިރު، ޕީޕީއެމްގެ ނައިބު ރައީސް، ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ އެޑްމިޓް ކޮށްގެން ފަރުވާ ދިނުމަށް ފަހު ދޫކޮށްލާފައި ވަނީ އާދިއްތަ ދުވަހު އެވެ.
އަބްދުއްރަހީމް އެޑްމިޓް ކޮށްފައި ވަނީ މެޔަށް އެރި ތަދަކާ ގުޅިގެންނެވެ.
