ޑްރޯންގެ އެހީގައި ދެނެގަނެ، ރާއްޖޭގެ ސަރަހައްދުން އަތުލައިގަތީ ސްރީލަންކާއަށް ނިސްބަތްވާ މަސް ބޯޓެއް ކަމަށް އެމްއެންޑީއެފުން ބުނެފިއެވެ.
މިދިޔަ ބުރާސްފަތި ދުވަހު ރާއްޖެ ސަރަހައްދުުގައި ޤާނޫނާ ޚިލާފަށް ހަރަކާތްތެރިވަމުންދިޔަ ބޭރުގެ މަސް ބޯޓެއް އަތުލައިގަތީ ރާއްޖޭގެ ޚާއްޞަ އިޤްތިޞާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައެވެ.
ރާއްޖޭގެ ހާއްސަ އިގްތިސާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި އެ ބޯޓު އަތުލައިގަތުމަށްފަހު، އެންމެ ފުރަތަމަ ގެންދިޔައީ އެމްއެންޑީއެފްގެ ކޯސްޓްގާޑްގެ ބެލުމުގެ ދަށަށެވެ.
އެ އޮޕަރޭޝަނުގައި މަސް ބޯޓު ހޯދާފައިވަނީ އެމްއެންޑީއެފް އެއަރ ކޯގެ ޑްރޯންގެ އެހީގައިކަމަށް އެމްއެންޑީއެފުން ބުނެފައިވެއެވެ.
އެ ބޯޓު ހޯދުމަށްފަހު ކޯސްޓްގާޑްގެ ބެލުމުގެ ދަށަށް ގެނެސްފައިވާކަމަށްވެސް އެމްއެންޑީއެފުން އޭރު ބުނެފައިވެއެވެ.
އެމްއެންޑީއެފުން މިއަދު މީޑިއާތަކަށް މައުލޫމާތުދެއްވަމުން ބުނީ އެއީ ސްރީލަންކާއަށް ނިސްބަތްވާ އުޅަނދެއް ކަމަށާއި އެ އުޅަނދުގައި ތިން މީހުން ތިބިކަމަށެވެ. އެ އުޅަނދު މިހާރު ފުލުހުންނާ ހަވާލުކޮށްފައިވާކަމަށްވެސް އެމްއެންޑީއެފުން ބުނެފައިވެއެވެ.
