ފީއަލީގައި ކުޑަކުދިންގެ ފުޓުބޯޅަ އަދި ހޭޭންޑުބޯޅަ މުބާރާތެއް
31 ޑިސެމްބަރު 2024 | އަންގާރަ 05:24ފިރިހެން ކުދިންނަށް ފުޓުބޯޅަ މުބާރާތް ބާއްވާއިރު، އަންހެން ކުދިންނަށް ބާއްވަނީ ހޭންޑުބޯޅަ މުބާރާތެވެ.
މީގެ ކުރިން ފީއަލީގައި ބޭއްވި މުބާރާތެއްގެ ތެރެއިން
އެފްސީ ފަރުކަންގެ ފަރާތުން، ފ.ފީއަލީގެ ކުޑަކުދިންނަށް ޚާއްސަކޮށްގެން ފުޓުބޯޅަ އަދި ހޭންޑުބޯޅަ މުބާރާތެއް ބާއްވަން ނިންމައި، މުބާރާތް އިއުލާން ކޮށްފި އެވެ.
ފަރުކަންގެ ފަރާތުން ބާއްވާ މި މުބާރާތަކީ ރަށުގެ ކުޑަ ކުދިންގެ މެދުގައި ކުޅިވަރުގެ ރޫޙު އާލާކުރުމުގެ މަޤުސަދުގައި ބާއްވާ މުބާރާތެކެވެ. ފިރިހެން ކުދިންނަށް ފުޓުބޯޅަ މުބާރާތް ބާއްވާއިރު، އަންހެން ކުދިންނަށް ބާއްވަނީ ހޭންޑުބޯޅަ މުބާރާތެވެ. މުބާރާތް ކުރިއަށް ގެންދިޔުމަށް ހަމަޖެހިފައި ވަނީ 2025 ވަނަ އަހަރުގެ ޖަނަވަރީ މަހުގެ 24 ވަނަ ދުވަހުން ފެށިގެންނެވެ.
މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާއިރު، މުބާރާތުގައި ބައިވެރިވުމުގެ އެންމެ ފަހު ވަގުތަކީ ޖަނަވަރީ މަހުގެ 15 ވަނަ ދުވަހުގެ ނިޔަލަށެވެ. މި މުބާރާތް ކުރިއަށް ގެންދިޔުމަށް ހަމަޖެހިފައި ވަނީ ސްކޫލްގެ ދަރިވަރުންގެ މެދުގަ އެވެ. އެގޮތުން މުބާރާތް ޚާއްސަކޮށްފައި ވަނީ ސްކޫލްގެ ގްރޭޑް ހަޔަކުން ދަށުގެ ދަރިވަރުންނަށެވެ.
މީގެ ކުރިން ވެސް ފީއަލީގައި ފަރުކަން ޓީމުގެ ފަރާތުން ވަނީ މުބާރާތް ބާއްވައިފަ އެވެ.
