ނާޒްމީ ސައީދުގެ ބައްޕަ ނިޔާވެއްޖެ

ރާއްޖެޓީވީގެ އެގްޒެކްޓިކް ޑައިރެކްޓަރ ނާޒްމީ ސައީދުގެ ބައްޕަ, ގދ.ވާދޫ ކެނެރީވިލާ މުހައްމަދު ސައީދު ނިޔާވެއްޖެއެވެ.

ސައީދު ނިޔާވެފައިވެފައި ވަނީ ނޭވާލާން އުނދަގޫ ވެގެން ހޮނިހިރު ދުވަހުގެ ރޭ ދަންވަރު 12:45ގައި ވާދޫ ހެލްތް ސެންޓަރަށް ގެންގޮސް ފަރުވާ ދެމުން ދަނިކޮށް، މެންދަމު 3:30 ހާއިރު އެވެ.

ސައީދަކީ ފާއިތުވި ވިހި އަހަރުގައި ވެސް ވިޔަފާރި ކުރަމުން އައި ބޭފުޅެކެވެ. ވާދޫގެ ރ.ކ ކޮމިޓީގެ ރައީސްކަން ވެސް ގިނަ ދުވަސްތަކެއް ވަންދެން ކުރައްވާފައިވާ ސައީދަކީ ރަށުގެ ވަރަށް ބޮޑު ހިދުމަތްތެރި އެކެވެ. ވަޑާން ކުރުމާއި ރޭނުމުގެ މަސައްކަތް ކުރާއިރު، ރަށުގެ ސަޤާފީ ކަންކަމުގައި އެންމެ އިސްކޮށް ހަރަކާތްތެރިވަމުން ގެންދެވީ ސައީދެވެ. އަދީ އޭނާއަކީ ކުޅަދާނަ ޝާއިރެކެވެ.

އުމުރުން 69 އަހަރުގައި ސައީދު ނިޔާވިއިރު ހަ ފިރިހެން ކުދިންނާއި ތިން އަންހެން ކުދިންނާއި އަންބަކު ދުނިޔޭގައި އެބަހުއްޓެވެ.