ބާސެލޯނާގައި ދިން ހަމަލާގައި އިސްކޮށް ހުރި މީހާ އަދިވެސް ހައްޔަރު ނުކުރެވޭ ކަމަށް ފުލުހުން ބުނެފި
19 އޯގަސްޓު 2017 | ހޮނިހިރު 05:27ހަމަލާގައި އިސް ދައުރެއް އަދާކުރީ އުމުރުން 13 އަހަރުގެ މޫސާ އޯކަބީރު ނަމަކަށް ކިޔާ މީހެއް
ބާސެލޯނާގައި ދިން ހަމަލާއަށް ފަހު އޮފިޝަލުން ހަރަކާތްތެރި ވަނީ
ސްޕެއިންގެ ބާސެލޯނާގައި ވޭނެއް ބޭނުންކޮށްގެން ބުރާސްފަތި ދުވަހު ދިން ހަމަލާގައި ވޭން ދުއްވި މީހާ އަދިވެސް ހައްޔަރު ނުކުރެވޭ ކަމަށް ސްޕެއިންގެ ފުލުހުން ބުނެފިއެވެ.
އެގޮތުން ފުލުހުން ހޯދަމުން ދަނީ މޮރޮކޯ އަށް އުފަން ޔޫނުސް އަބޫޔައުގޫބު ނަމަކަށް ކިޔާ މީހެކެެވެ.
ބާސެލޯނާގައި ދިން ހަމަލާގައި، އިސް މީހެއް ކަމަށް ކުރިން ބެލެވިފައި ވަނީ އުމުރުން 13 އަހަރުގެ މޫސާ އޯކަބީރު އެެވެ.
ބާސެލޯނާގައި ބުރާސްފަތި ދުވަހު ދިން ހަމަލާއަށް ފަހު ސްޕެއިންގެ ޓައުންއެއް ކަމަށްވާ ކެމްބްރިލްސްގައި ވޭނެއް ބޭނުންކޮށްގެން ވަނީ ހަމަލާއެއް ދޭން މަސައްކަތް ކޮށްފައެވެ. އެހެންނަމަވެސް ފުލުހުން ވަނީ ހަމަލާ ކާމިޔާބުވުމުގެ ކުރިން ހުއްޓުވާފައެވެ. ކެމްބްރިލްސްގައި ދޭން އުޅުނު ހަމަލާއާ ގުޅިގެން ސްޕެއިންގެ ފުލުހުން މަރާލި މީހުންގެ ތެރޭގައި ބާސެލޯނާގައި ހަމަލާ ދިނުމުގައި އިސްކޮށް ހުރި މީހާ ކަމަށް ކުރިން ބެލެވުނު ފަރާތް ކަމަށްވާ މޫސާ އޯކަބީރު ހިމެެނެއެވެ.
ސްޕެއިންގެ ބޮޑު ވަޒީރު މާރިއާނޯ ރަޖޯއި ވިދާޅުވެފައި ވަނީ ބާސެލޯނާގައި ދިން ހަމަލާއަކީ "ޖިހާދީންގެ ހަަަމަލާއެއް" ކަމަށެވެ.
ސްޕެއިންގައި ދިން ހަމަލާތަކުގެ ޒިންމާ ނަގާފައި ވަނީ އިސްލާމިކް ސްޓޭޓް (އައިއެސް) އިންނެވެ.
