އެސްޓަން ވިލާ ބަލިކޮށް، ޗެލްސީ ކުރިއަށް

އިނގިރޭސި ޕްރިމިއާ ލީގުގައި އެސްޓަން ވިލާއާ ދެކޮޅަށް ކުޅުނު މެޗުން މޮޅުވެ، ޗެލްސީން ލީގު ތާވަލްގެ ތިން ވަނައިގައި ހިފަހައްޓައިފި އެވެ.

ޗެލްސީގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 3-0 އިންނެވެ. މެޗުގެ ފުރަތަމަ ހާފުގައި ޗެލްސީން ވަނީ ދެ ލަނޑު ޖަހައި ކުރި ހޯދައިފަ އެވެ. މެޗުގައި ޗެލްސީގެ ތިން ވަނަ ލަނޑު އެ ޓީމުން ޖެހީ ދެ ވަނަ ހާފުގަ އެވެ.

މެޗު ފަށައިގެން ހަތް ވަނަ މިނެޓުގައި ޗެލްސީން ވަނީ އެސްޓަން ވިލާ ކޮޅަށް ލަނޑު ޖަހައި ކުރި ހޯދައިފަ އެވެ. އެ ލަނޑު ޗެލްސީ އަށް ޖަހައިދިނީ ނިކޮލަސް ޖެކްސަން އެވެ. އޭގެ ފަހުން ފުރަތަމަ ހާފުގެ 36 ވަނަ މިނެޓުގައި ޗެލްސީގެ އެންޒޯ ފެނާންޑޭޒް ވަނީ އެ ޓީމުގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ. އެ ލަނޑު އޭނާ ޖެހީ ކޯލް ޕާމާ ތަނަވަސްކޮށްދިން ފުރުސަތެއްގަ އެވެ. މެޗުގައި ޗެލްސީގެ ފަހު ލަނޑު ޖެހީ ޕާމާ އެވެ. މެޗުގެ 83 ވަނަ މިނެޓުގައި އޭނާ އެ ލަނޑު ޖެހީ ނޯނީ މަޑުއޭކޭ އެވެ.

މޮޅާއެކު ޗެލްސީން ލީގު ތާވަލްގެ ތިން ވަނައިގައި އޮތީ މިހާތަނަށް ކުޅުނު 13 މެޗުން 25 ޕޮއިންޓު ހޯދައިގެންނެވެ. ހަތް މެޗުން ޗެލްސީ މޮޅުވެފައިވާއިރު، ހަތަރު މެޗުން ވަނީ އެއްވަރުވެފަ އެވެ. މި ސީޒަންގެ ޕްރިމިއާ ލީގުގައި ޗެލްސީ ބަލިވެފައި ވަނީ ދެ މެޗުންނެވެ.