ޕީނަލްކޯޑު ވެސް މި ސަރުކާރުން ބޭނުންކުރަނީ ސިޔާސީ ބޭނުމަށް - ފައްޔާޒް
ޝާފިއު ފުލުހަށް ހާޒިރުކުރުމުން އާއްމުން ވަނީ އެއްވެ އެކަމާއި ދެކޮޅަށް އަޑު އުފުލާފަ
ޝާފިއު (ތުއްތު) ފުލުހަށް ހާޒިރުކުރުމުގެ ތެރެއިން
މި ސަރުކާރުން ޕީނަލްކޯޑުވެސް ނުވަތަ ޤާނޫނުލް އުޤުބާތު ވެސް ބޭނުންކުރަނީ ސިޔާސީ ބޭނުމަށް ކަމަށް އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވެއްޖެއެވެ.
ފައްޔާޒް އެފަދައިން ވިދާޅުވީ އެމްޑީޕީގެ ސޯޝަލް މީޑިއާ އެކްޓިވިސްޓް ހުސެއިން ޝާފިއު (ތުއްތު) ފުލުހަށް ހާޒިރުކުރުމަށް ފަހު ނޫސްވެރިންނަށް މައުލޫމާތުދެއްވަމުންނެވެ. ހުސެއިން ޝާފިއު (ތުއްތު) ފުލުހަށް ހާޒިރުކުރުމަކީ ވެސް ސިޔާސީ ކަމެއް ކަމަށް ފައްޔާޒް ވަނީ ވިދާޅުވެފައެވެ. އަދި މި ސަރުކާރުން ކަންކަން ނިންމާލާނީ މީޑިއާގެ މިނިވަންކަން ވެސް އެއްކޮށް ނަގާލުމާ ހިސާބުން ކަމަށް ފައްޔާޒް ވަނީ ވިދާޅުވެފައެވެ. މީގެ ކުރިން ވެސް މި ސަރުކާރުން މީޑިއާގެ މިނިވަންކަން ނަގާލުމަށް މަސައްކަތްކޮށްފައިވާ ކަަމަށް ފައްޔާޒް ވަނީ ވިދާޅުވެފައެވެ. ޝާފިއު ފުލުހަށް ހާޒިރުކުރުމަކިީ ރައްޔިތުންގެ ބަސް ބޭނުންކުރުމަށް މިނިވަން ކުރުމަށް އަޖުމަ ބަލާލުމަށް ކުރިކަމެއްގެ ގޮތުގައި ފައްޔާޒް ވަނީ ސިފަކުރުވާފައެވެ. ރައްޔިތުންގެ ބާރުވެރިކަން ނިގުޅައިގަތުމަށް ސަރުކާރުން ކެނޑިނޭޅި މަސައްކަތްކުރަމުންދާ ކަމަށް ފައްޔާޒް ވިދާޅުވިއެވެ. ރައްޔިތުންނަށް އަނިޔާ ދިނުން ނޫން ކަމެއް ސަރުކާރަށް މިގޮތަށް އަމަލުކޮށްގެން ހާސިލްނުވާނެ ކަމަށް ފައްޔާޒް ވަނީ ވިދާޅުވެފައެވެ.
ފައްޔާޒް އިތުރަށް ވިދާޅުވީ ޤާނޫނުއަސާސީން ރައްޔިތުންނަށް ލިބިދީފައިވާ ޚިޔާލުފާޅުކުރުމުގެ މިނިވަންކަން ހިމާޔަތްކުރުމަށް ރައްޔިތުން އަދިވެސް މަސައްކަތް ކުރާނެ ކަމަށެވެ. އަދި މަޖިލީހުގެ މެޖޯރިޓީ އޮތުމުން ސަރުކާރަށް ބައެއް ޤާނޫނީ ނިންމުންތައް ނިންމުނަސް ރައްޔިތުން ކަސްތޮޅު ނޭޅުވޭނެ ކަމަށް ފައްޔާޒް ވަނީ ވިދާޅުވެފައެވެ. @ޗާލީ_ތުއްތު ހޭންޑްލް އިން ހަޑިހުތުރު ބަސް ބޭނުން ކޮށް ބިރުވެރިކަން އުފެދޭ ގޮތައް އެކްސް ގައ ޕޯސްޓެއްކޮށްފައިވަ މައްސަލައިގެ ތުހުމަތުގައި ސުވާލުކޮށް ބަޔާން ނެގުމަށް ޝާފިއު ފުލުހަށް ހާޒިރުކޮށްފައި ވަނީ އާދިއްތަ ދުވަހު މެންދުރު 01:30ގައެވެ. ޝާފިއު ފުލުހަށް ހާޒިރުކުރުމުން އާއްމުން ވަނީ އެއްވެ އެކަމާއި ދެކޮޅަށް އަޑު އުފުލާފައެވެ.
