އޭޝިއަން ކަޕް ކޮލިފައިންގައި މާދަމާ ސްރީލަންކާ އާއި ކެމްބޯޑިއާ ބައްދަލުކުރާ ފުޓްބޯޅަ މެޗުގެ މެޗު ކަމިޝަނަރަކަށް ރާއްޖޭގެ އަހުމަދު ޝާހިރު ހަމަޖައްސައިފި އެވެ.
އޭޝިޔާގެ އެންމެ މޮޅު މެޗު ކަމިޝަނަރުންގެ ތެރޭގައި ހިމެނޭ ޝާހިރު މިއަދު ވަނީ މެޗުގެ ކުރިން ބާއްވަން ޖެހޭ މެނޭޖާސް މީޓިން ކުރިއަށް ގެންގޮސްފަ އެވެ. ލަންކާގެ ވެރިރަށް ކޮލަމްބޯގައި ކުޅޭ މި މެޗު އޮންނާނީ މާދަމާ ސުގަތަދާސަ ސްޓޭޑިއަމުގަ އެވެ.
2025 ވަނަ އަހަރު ސައޫދީ އަރަބިއާގައި ބާއްވާ މުބާރާތުގެ ކޮލިފައިން މެޗަށް ޝާހިރު އައްޔަންކޮށްފައިވާއިރު އޭނާ އަކީ އޭޝިޔާގެ އެންމެ ވަރުގަދަ މެޗުތަކުގައި ވެސް ކަމިޝަނަރުކަން ކޮށްފައިވާ ތަޖުރިބާކާރެކެވެ.
ކުރިން ގައުމީ ފުޓްބޯޅަ ޓީމުގެ މެނޭޖަރުކަން ވެސް ކޮށްފައިވާ ޝާހިރަކީ 2008 ވަނަ އަހަރު ފީފާއިން އައްޔަންކުރި ނޯމަލައިޒޭޝަން ކޮމިޓީގެ ޗެއާމަން ވެސްމެ އެވެ.
