އިނަރ މޯލްޑިވްސްގެ އޮފީސްތަކަށް ގެއްލުންދީން ވައްކަންކޮށްފައިވާ މައްސަލައާއި ގުޅިގެން މީހަކު ހައްޔަރުކޮށްފިއެވެ.
ފުލުހުން ބުނެފައިވަނީ އަމީރު އަހުމަދު މަގުގައި ހުރި 3 އިމާރާތަކަށް ގެއްލުންދީ ވައްކަންކޮށްފައިވާ މައްސަލަ ބުރާސްފަތި ދުވަހުގެ ރޭގެ ވަގުތެއްގައި ރިޕޯޓްކޮށްފައިވާ ކަމަށެވެ. އަދި މި މައްސަލަ ތަހުގީގުކުރަމުން އަންނަ ކަމަށެވެ.
ގެއްލުންދީ ވައްކަންކޮށްފައިވާ ތިން އޮފީހުގެ ތެރެއިން ދެ އޮފީހަކީ އިނަރ މޯލްޑިވްސްގެ 2 އޮފީހެވެ. މިކަމާއި ގުޅިގެން އިނަރ މޯލްޑިވްސްގެ ސީއިއޯ އަހުމަދު ފިރާގް އެކްސްގައި ކުރެއްވި ޕޯސްޓެއްގައި ވިދާޅުވީ އަމީރު އަހުމަދު މަގުގައި ހުންނަ ދެ އޮފީހުން ވައްކަންކުރުމުގައި ބައިވެރިވި މީހާ ދެނެގަނެ، ފުލުހުން އޭނާ ހޯދާފައިވާ ކަމަށެވެ.
އިނަރ މޯލްޑިވްސް އިން ހިއްސާކޮށްފައިވާ ފޮޓޯތަކުން ފެންނަ ގޮތުގައި އެތަނުގެ އޮފީސްތެރެއަށް މީހަކު ވަންނަނީ ދޮރު ފަޅާލައިގެންނެވެ. އަދި އޮފީސްތެރޭގައި ހުރި ސާމާނަށް ގެއްލުންދީ އެއްޗެއްހިތައް އުކާލާފައިވެއެވެ.
