ވިސްނުމަކީ ކާބޯތަކެތި އުފައްދާ، އާންމުންނަށް ކާބޯތަކެތި ފޯރުކޮށްދޭ ފަރާތެއް ނަމަ ރަޖިސްޓްރީ ކުރުން ލާޒިމު ކުރުން
ހެލެތް މިނިސްޓްރީއާއި އިކޮނޮމިކް މިނިސްޓްރީ އަދި ހޯމް މިނިސްޓްރީ ގުޅިގެން ބޭއްވި ނޫސްވެރިންގެ ބައްދަލުވުން
ގޭގައި ކާބޯތަކެތި ވިއްކާ މީހުންވެސް ރަޖިސްޓްރީ ކުރުން ލާޒިމު ކުރުމުގެ މަސައްކަތް ކުރަމުންދާކަމަށް ރަޖިސްޓްރާ އޮފް ކޮމްޕެނީޒް މަރިޔަމް ވިސާމް ވިދާޅުވެއްޖެއެވެ.
ވިސާމް އެހެން ވިދާޅުވީ ހެލެތް މިނިސްޓްރީއާއި އިކޮނޮމިކް މިނިސްޓްރީ އަދި ހޯމް މިނިސްޓްރީ ގުޅިގެން ބޭއްވި ނޫސްވެރިންގެ ބައްދަލުވުމުގައެވެ.
ވިސާމް ވިދާޅުވީ، ވިސްނުމަކީ ކާބޯތަކެތި އުފައްދާ، އާންމުންނަށް ކާބޯތަކެތި ފޯރުކޮށްދޭ ފަރާތެއް ނަމަ ރަޖިސްޓްރީ ކުރުން ލާޒިމު ކުރުން ކަމަށެވެ.
ވިސާމް ވިދާޅުވީ، ވިޔަފާރި ރަޖިސްޓްރީ ކުރުމުގެ ޤާނޫނާ ޚިލާފު ތަންތަން ހޯދުމަށްޓަކައި ޓާސްކްފޯސްއެއް އެކުލަވާލައިގެން މަސައްކަތް ކުރަމުންދާ ކަމަށާއި، އެގޮތުގެ މަތިން ބަންދު ކުރާ ތަންތަނަށް އަލުން ވިޔަފާރި ކުރެވޭނީ ޚާއްސަ ހުއްދައެއް ނަގައިގެން ކަމަށެވެ.
ވިސާމް އިތުރަށް ވިދާޅުވީ، ބަލައި ފާސް ކުރުމުގެ މަރުޙަލާގެ ތެރޭގައި އެންމެ ބޮޑު އިސްކަމެއްދޭނެ އެއް ކަމަކީ އެ ވިޔަފާރިއަކީ ރަޖިސްޓްރީ ކޮށްފައިވާ ވިޔަފާރިއެއްތޯ ނުވަތަ ނޫންތޯ ބެލުމާއި، ނަގަންޖެހޭ ހުއްދަތައް ނަގައިގެން ކުރާ ވިޔަފާރިއެއްތޯ ބެލުމަށް ކަމަށެެވެ.
އަދި އެގޮތުން ބަލާއިރު ނަގަންޖެހޭ ހުއްދަތައް ނުނަގައި ވިޔަފާރި ކުރާ ފަރާތްތަކާމެދު ފިޔަވަޅު އެޅޭނެކަންވެސް ވިސާމް ފާހަގަ ކުރެއްވިއެވެ.
އަލަށް ފާސްކުރި ކާބޯތަކެތީގެ ގާނޫނަށް އަމަލު ކުރަން ހުކުރު ދުވަހު ވަނީ ފަށާފައެވެ. ކާބޯތަކެތީގެ ގާނޫނުގެ ދަށުން ކަނޑައެޅިފައިވާ މިންގަނޑުތަކާއި ހިލާފުވާ ފަރާތްތަކާއި ތަންތަން ޖޫރިމަނާކޮށް ލައިސަންސް ހިފަހެއްޓުމުގެ ބާރު އެ އޮތޯރިޓީ އަށް ވަނީ ލިބިދީފައެވެ. އަދި އެ ތަންތަނުގެ މައުލޫމާތު އާންމު ކުރުމުގެ އިޚުތިޔާރު ވެސް ގާނޫނުން އެމްއެފްޑީއޭއަށް ލިބިދެއެވެ.
