ބުޅާ މަހުން ކާއެއްޗެހި ހަދައިގެން ވިއްކާކަމަށް ތުހުމަތުވާ އަރަފާތު ހައްޔަރުކޮށްފި
20 އޯގަސްޓު 2024 | އަންގާރަ 05:57މި މައްސަލައިގައި ތުހުމަތު ކުރަނީ އަރަފާތު ހޮސައިން ނަމަކަށް ކިޔާ އުމުރުން 32 އަހަރުގެ މީހަކަށް
ބުޅާ މަހުން ކާއެއްޗެހި ހަދައިގެން ވިއްކާ ކަމަށް ތުހުމަތު ކުރެވޭ އަރަފާތު ހޮސައިން
ބުޅާމަސް އަޅައިގެން ކާއެއްޗެހި ތައްޔާރުކޮށް، އެ ތަކެތީގެ ވިޔަފާރި ކުރަމުންދާ ބަންގްލަދޭޝްގެ މީހާ ކަމާ ގުޅުންހުރި އިދާރާތަކުގެ ބެލުމުގެ ދަށަށް ގެންގޮސްފިއެވެ.
އަރަފާތު ހޮސައިން ނަމަކަށް ކިޔާ އުމުރުން 32 އަހަރުގެ މި މީހާ އިމިގްރޭޝަނަށް ހާޒިރުވާން އަންގާފައިވާއިރު، އޭނާއާ ގުޅޭ މައްސަލަ ދިވެހި ފުލުހުންގެ ޚިދުމަތަށްވެސް ހުށަހެޅިފައިވެއެވެ.
މިހާރު އޭނާ ފުލުހުންގެ ބެލުމުގެ ދަަށަށް ގެނެވޮފައިވާކަމަށް ފުލުހުންގެ ތަރުޖަމާނު އަހުމަދު ޝިފާން ވިދާޅުވިއެވެ.
އިމިގްރޭޝަނުންވެސް އެކަން ކަށަވަރު ކޮށްދެއެވެ.
މިމީހާ އާ ބެހޭ ގޮތުން ސޯޝަލް މީޑިއާ ގައި ދައުރުވަމުންދާ މައުލޫމާތައް ބަލާއިރު މި މީހާ އަކީ ގަވައިދާ ޚިލާފަށް މާލޭ ވަޅޯމަސް މާރުކޭޓުގައި މަސައްކަތް ކުރުމުގެ އިތުރުން ބުޅާ ކަތިލައި، އޭގެ މަހުން ކާއެއްޗެހި ތައްޔާރުކޮށް، ވިއްކާ ކަމަށް ތުހުމަތު ކުރެވޭ މީހެކެވެ.
