ވާޖިބް އަދާކުރުމުގައި ފުލުހުންގެ ދެ ފުށް!

އިދިކޮޅު ފަރާތަކަށް ޖަލްސާއެއް ބާއްވާނެ ތަނެން ނުލިބެއެވެ. ނުވިތާކަށް މަގުމަތީގައި ވެސް ސުލްހަވެރިކަމާއި އެކު ހަރަކާތެއް ބާއްވާން ފުރުޝަތެއް ނުލިބެއެވެ. ބާއްވާފައި ނަމަ އެ ހަރަކާތަކަށް ފުލުހުން ހުރަސްއަޅެއެވެ. ގަދަ ބާރުން ފުލުހުން އާންމު ރައްޔިތުން ކޮއްޕާ ފަހަތަށް ޖައްސައެވެ. ނުވިތާކަށް ޕެޕާސުޕްރޭ ވެސް ޖަހާ މީހުން ހައްޔަރުކުރެއެވެ.

ބަހަނާއެއްގެ ގޮތުން ފުލުހުން ބުނަނީ ސުލްހަވެރިކަމާއި އެކު އެއްވެއުޅުމުގެ ގާނޫނާއި ހިލާފަށް ހަރަކާތް ކުރިއަށް ގެންދާތީ ކަމަށެވެ. އާންމު ރައްޔިތުންނަން ދަތިތަކާއި ކުރިމަތިވާތީކަމަށެވެ. މިއީ މިއަދު އިދިކޮޅު ސިޔާސީ ޕާޓީތަކުން ބާއްވާ ހަރަކާތަކަށް ފުލުހުން ކަންކުރާ ގޮތެއެވެ.

މައްސަލަ އެއް ނެތެއެވެ. އެހެންކަމަށްވާނަމަ ހުރިހާ ސިޔާސީ ޕާޓީތަކާއި މެދު ކަންކުރަންވާނީ ހަމަހަމަ ކަމާއި އެކުގައެވެ.

ގުޅިފައިވާ ސިޔާސީ ޕާޓީން އެމްޑީޕީ ހަރުގެ ކުރިމަތީގައި ބެއްވި ހަރަކާތަށް ފުލުހުން ހުރަސް އަޅަނީ

މި މަންޒަރުތަށް ކޮންމެ ރެއަކު ފެންނަމުން ދަނިކޮށް، މުޅިން ތަފާތު މަންޒަރެއް ފެނިއްޖެއެވެ. މީގެ ކުރިން ފުލުހުން ކަންކުރާ ގޮތާއި މުޅިން ތަފާތަށް ކަންކުރާ ތަނެވެ. "ތަރައްޤީއާއި އެކު ރައްޔިތުން" މި ނަމުގައި ވެރިކަން ކުރާ ޕީޕީއެމުން ގ. ފާޝިނާކަލޭގެފާނު މަގުގައި ކަންމަތީ ބައްދަލުވުމެއް ބޭއްވި އިރުގައެވެ.

ޕީޕީއެމްގެ ރާސްޓަސް ޖަގަހަ ހުޅުވުމަށް އެޕާޓީން މި ހަރަކާތް ބޭއްވީ މަގު ބަންދުކޮށްގެނެވެ. ގައިމު މަތީގައި މި ހަރަކާތް ކުރިއަށް ގެންދިޔައިރު ފުލުހުން މަސައްކަތް ކުރީ ސެކުއުރިޓީ ބަލަހަށްޓަންށެވެ. މަގު ބަންދުކޮށް އެސަރަހައްދު ކޯޑަން ކޮށްގެންނެވެ. ނުވިތާކަށް ޓުރެފިކްވެސް ބަހަލަށްޓަން ފުލުހުން ހަރަކާތެރިވިއެވެ.

ޕީޕީއެމުން ހަރަކާތެއް ބާއްވާނަމަ އެ ހަރަކާތަކީ ސުލްހަވެރިކަމާއެކު އެއްވެއުޅުމުގެ މިނިވަންކަމުގެ ގާނުނުގައި ބަޔާންކޮށްފައިވާ ވާގޮތަށް ބާއްވާ ހަރަކާތަކަށް ވަނީ ކިހިނަކުންތޯއެވެ.

އާދީއްތަ ދުވަހުގެރޭ ޕީޕީއެމުން މަގުމަތީީގައި ހަރަކާތެއް ބާއްވާނީ

ޕީޕީއެމުން ބޭއްވި ހަރަކާތުގައި އަޑުގަދަ ކުރާ ބޭނުންކޮށްގެން ވާހަކަވެސް ދެއްކިއެވެ. ކައިރީގައި ދިރިއުޅޭ އާންމު ރައްޔިތުންނަން އުނދަގޫވާތީ ކަންބޮޑުވުން ވެސް ފާޅުކުރިއެވެ. މަގު ބަންދުކޮށްފައިވާތީ ވެހިކަލް ދުއްވަން ޑްރައިވަރުންނަން ދަތިތަކާއި ކުރިމަތިވިއެވެ. އެހެންނަމަވެސް ޕީޕީއެމުން ބޭއްވި ހަރަކާތަކަށް ވުމުން ފުލުހުން އަމަލުކުރާ އުސޫލުވެސް ބަދަލުވެއްޖެވެ. ހަމަހަމަކަމެއް ނެތް ކަން ހާމަވެއްޖެއެވެ. ފަހަރުގައި އެ ހަރަކާތުގައި ރައީސް އަބްދުﷲ ޔާމީންގެ އަނބިކަބަލުން ފާތުމަތު އިބްރާހިމް ބައިވެރިވަޑައިގަތުމުން ކަމަށް ވެސް ވެދާނެއެވެ.

މަގުމަތީގައި ސިޔާސީ ހަރަކާތް ބާއްވާން ފުލުހުން ފުރުޝަތު ދޭނަމަ ހުރިހާ ޕާޓީތަކަށް ވެސް އެފުރުޝަތު ދޭންޖެހޭނެވެ. އެމްޑީޕީއަށް އެޕާޓީގެ ޖަގަހަ ކުރިމަތީގައި ޖަލްސާ ބޭއްވެން ޖެހޭނެވެ. އަދި އެޖަލްސާ ބާއްވާތީ ފުލުހުން އެމަގު ބަންދުކޮށް، ސެކިއުރިޓީ ވެސް ބަހަލައްޓަން ޖެހޭނެއެވެ.

ޕީޕީއެމްގެ ޖަގަހަ ކުރިމަތީގައި ކެއުމެއް ބާއްވަން ފުލުހުން ފުރުޝަތު ދޭނަމަ، އެމްޑީޕީން ހަވީރު ބާއްވާ ސައި އެޕާޓީގެ ހަރުގެ ކުރިމަތީގައި ބޭއްވެން ވާނެއެވެ.

މިއީ މިއަދު ކަން ހިނގާ ގޮތެއެވެ. ފުލުހުން އަމަލުތަށް މުޅިން ތަފާތެއެވެ. ވަކި ޕާޓީއަކާއި ޖެހުމުން ފުލުހުންގެ އަމަލުކުރާ ގޮތް ބަދަލުވެއެވެ. މިއީ އިންސާފްތޯއެވެ.

Your browser doesn't support video. Please download the file: video/mp4