މޮރާޓާ އާއި ރޮޑްރީ ސަސްޕެންޑްކޮށްފި
7 އޯގަސްޓު 2024 | ބުދަ 18:32ސްޕެއިންގެ ދެ ކުޅުންތެރިން ކަމަށްވާ ކެޕްޓަން އަލްވާރޯ މޮރާޓާ އާއި ވައިސް ކެޕްޓަން ރޮޑްރީ ޔޫއޭފާއިން އެއް މެޗަށް ސަސްޕެންޑްކޮށްފި އެވެ.
މޮރާޓާ އާއި ރޮޑްރީ (ވ) ޔޫރޯ ތައްޓާއެކު
ސްޕެއިންގެ ދެ ކުޅުންތެރިން ކަމަށްވާ ކެޕްޓަން އަލްވާރޯ މޮރާޓާ އާއި ވައިސް ކެޕްޓަން ރޮޑްރީ ޔޫއޭފާއިން އެއް މެޗަށް ސަސްޕެންޑްކޮށްފި އެވެ.
ކެޕްޓަން މޮރާޓާ އާއި ވައިސް ކެޕްޓަން މޮރާޓާ ސަސްޕެންޑްކުރި ސަބަބަކީ އިބޭރިއަން ޕެނިންސިއުލާގައިވާ ޖިބްރޯލްޓާ އަކީ ސްޕޭނުގެ ތަނެއް ކަމަށް ބުނުމުންނެވެ.
މި ދެ ކުޅުންތެރިންގެ މައްސަލަ ޔޫރަޕުގެ ފުޓްބޯޅައިގެ އެންމެ އިސް އިދާރާ އަށް ހުށަހެޅީ ޖިބްރޯލްޓާގެ ފުޓްބޯޅަ އެސޯސިއޭޝަނުންނެވެ. ޔޫރަޕުގެ ޗެމްޕިއަންކަން ހޯދުމަށްފަހު އުފާފާޅު ކުރަން ބޭއްވި ޕެރޭޑުގައި ރޮޑްރީ އާއި މޮރާޓާ ވަނީ ޖިބްރޯލްޓާ އަކީ ސްޕޭނުގެ ތަނެއް ކަމަށް ބުނެ ލަވަކިޔައިފަ އެވެ. މިކަންކުރީ ސްޕެއިން އިން ޖިބްރޯލްޓާ އެ ގައުމުގެ ދަށަށް ގެންނަން ބޭނުންވެގެން އުޅޭނީ އެކަމަށް ބާރު ދިނުމުގެ ގޮތުންނެވެ.
ޖިބްރޯލްޓާ އަކީ ސްޕޭނާ އިންވެގެން އޮތް ތަނަކަސް އެމީހުން ބޭނުންވަނީ ސްޕޭނުގެ ސަރުކާރުގެ ދަށަށް ނުގޮސް މިނިވަންވާށެވެ. މިވަގުތު ޖިބްރޯލްޓާ އަކީ އިނގިރޭސިންގެ ބެލުމުގެ ދަށުގައި، އެކަމަކު ވަކި ސަރުކާރެއް ހިންގާ ތަނެކެވެ.
ޔޫރޯ ކާމިޔާބު ކުރުމަށްފަހު ސްޕޭނުގެ ކުޅުންތެރިން އުފާފާޅު ކުރުމަށް ބޭއްވި ރަސްމީ ހަރަކާތްތައް ނިމުމާއެކު އެ ގައުމުގެ ފުޓްބޯޅަ ފެޑަރޭޝަނުގެ ރައީސް ވެސް ވަނީ ސަސްޕެންޑްކޮށްފަ އެވެ. އެއީ އޭނާގެ މައްޗަށް ތުހުމަތުކުރެވޭ ކޮރަޕްޝަނުގެ މައްސަލަތަކާހެދި އެވެ.
