މިނިސްޓްރީތަކުން ދޭ ޚިދުމަތްތަކަށް ރައްޔިތުންގެ އަތުން އިތުރު ފީއެއް ނަގަން އުޅޭ ވާހަކަ ސަރުކާރުން ދޮގުކޮށްފި
27 ޖުލައި 2024 | ހޮނިހިރު 11:32އޭނާ ވިދާޅުވީ، ސަރުކާރުގެ ވުޒާރާތަކަށް އަންގާފައިވާނީ ޚަރަދު ކުޑަކުރުމަށް ކަމަށް
ރައީސް އޮފީސް
ސަރުކާރުގެ އެކި މިނިސްޓްރީތަކުން ދޭ ޚިދުމަތްތަކަށް ރައްޔިތުންގެ އަތުން އިތުރު ފީއެއް ނަގަން އުޅޭ ވާހަކަ ސަރުކާރުން ދޮގުކޮށްފިއެވެ.
ރާއްޖެއެމްވީއަށް މައުލޫމާތު ދިން ފަރާތަކުން ބުނީ، ދައުލަތުގެ ވުޒާރާތަކުން ދޭ ޚިދުމަތްތަކަށް ރައްޔިތުންގެ އަތުން އިތުރު ފީއެއް ނެގޭނެ ގޮތެއް އޮތްނަމަ އެކަން ސާފު ކުރުމަށްފަހު އެންގުމަށް ސަރުކާރުން އެކި ވުޒާރާތަކަށް ލިއުމުން އަންގަމުންދާކަމަށެވެ. އެކަން ކުރަނީ ސަރުކާރުގެ ޚަރަދުތައް ފޫބެއްދުމަށް ކަމަށް ވެސް އޭނާ ބުންޏެވެ.
އެހެންނަމަވެސް އެ ވާހަކަ ރައީސް އޮފީހުން ވަނީ ދޮގުކޮށްފައެވެ. ރައީސް އޮފީހުގެ ކޮމިއުނިކޭޝަން މިނިސްޓަރ އިބްރާހިމް ޚަލީލާ އެކަމާ ގުޅޭގޮތުން ސުވާލު ކުރުމުން އޭނާ ވިދާޅުވީ، އެއީ ވަރަށް ބޮޑު ދޮގެއް ކަމަށެވެ. އެގޮތުން ރައްޔިތުންގެ އަތުން އިތުރަށް ފައިސާއެއް ނަގަން އެދިފައިނުވާނެކަމަށް އޭނާ ވިދާޅުވިއެވެ.
އޭނާ ވިދާޅުވީ، ސަރުކާރުގެ ވުޒާރާތަކަށް އަންގާފައިވާނީ ޚަރަދު ކުޑަކުރުމަށް ކަމަށެވެ.
