އެމްޑީޕީގެ ނައިބު ރައީސަކަށް ހިސާން އައްޔަންކުރަން ރުހުންދީފި

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ނައިބު ރައީސްކަމަށް ތުޅާދޫ ދާއިރާގެ ކުރީގެ މެމްބަރު ހިސާން ހުސައިން އައްޔަނު ކުރަން އެ ޕާޓީގެ ގައުމީ މަޖިލީހުން ފާސްކޮށްފި އެވެ.

ހިސާންގެ ނަން ޕާޓީގެ ނައިބު ރައީސްގެ ގޮތުގައި ހުށަހެޅުއްވީ ޕާޓިގެ ރައީސް އަބްދުﷲ ޝާހިދެވެ.

އެމްޑީޕީގެ ނައިބު ރައީސްގެ މަގާމަށް މަޖިލީހުގެ ތުޅާދޫ ދާއިރާގެ ކުރީގެ މެމްބަރު ހުށަހެޅުމަށް ޕާޓިގެ ރައީސް އަބްދުﷲ ޝާހިދު ނިންމަވާ އެކަން އިއުލާން ކުރައްވާފައިވަނީ މި މަހުގެ 8 ވަނަ ދުވަހުއެވެ.

ޕާޓީގެ ލީޑަރޝިޕްގައި އަންހެނުންގެ އަދަދު މަދުކަން ފާހަގަކުރައްވާ ޝާހިދު މީގެ ކުރިން ވިދާޅުވީ، މެދުކެނޑުމެއް ނެތި ގިނަ ދުވަސްތަކެއް ވަންދެން ޕާޓީ އަށް ޚިދުމަތް ކޮށްދެއްވަމުން ގެންދަވާ، ޕާޓީގެ ލީގަލް ޑިރެކްޓަރު އަލްއުސްތާޒާ ހިސާން ހުސެއިން  އައްޔަން ކުރުމަށް ގަސްތުކުރައްވާ ކަމަށެވެ.