ދިވެހި ފިރިހެނަކު ރަހީނުކުރި 3 މީހަކު ހައްޔަރުކޮށްފި
19 ޖުލައި 2024 | ހުކުރު 15:31މި މައްސަލައާއި ގުޅިގެން އުމުރުން 30އ، 27އ، އަދި 22އ، ގެ ދިވެހި 3 ފިރިހެނުން ހައްޔަރުކޮށްފައިވޭ
ޙުސައިން މަޚްތޫމް | 19 ޖުލައި 2024 | ހުކުރު 15:31
ސްކޫލް ބަންދާ ދިމާކޮށް ފުލުހުން ވަނީ ހާއްސަ އޮޕަރޭޝަނެއް ފަށާފައި
ދިވެހި ފިރިހެނަކު ރަހީނުކުރި 3 މީހަކު ހައްޔަރުކޮށްފިއެވެ.
ފުލުހުން ބުނީ ދިވެހި ފިރިހެނަކު ރަހީނުކޮށްގެން މާލޭގެ ގެއެއްގައި ގެންގުޅުނު މައްސަލައެއް މި މަހުގެ 18 ވަނަ ދުވަހު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި މައްސަލައާއި ގުޅިގެން އުމުރުން 30އ، 27އ، އަދި 22އ، ގެ ދިވެހި 3 ފިރިހެނުން ހައްޔަރުކޮށްފައިވާ ކަމަށް ފުލުހުން ބުނެއެވެ.
މި މައްސަލައާއި ގުޅިގެން ހައްޔަރުކުރި މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދުކުރުމަށް ވަނީ އަމުރުކޮށްފައެވެ. 3 މީހުން ވެސް ބަންދުކޮށްފައިވަނީ ކަސްޓޯޑިއަލް ޖަލެއްގައެވެ.
