އަވަސް އަރުވާލައިގެން ކޯޗު ކަމާމެދު ގޮތެއް ނުނިންމާނަން: ސައުތު ގޭޓް

އިނގިރޭސި ގައުމީ ކޯޗުކަމުގައި ދެމި ހުރުމާމެދު ގޮތެއް ނިންމަން މިއީ އެންމެ ރަނގަޅު ވަގުތު ނޫން ކަމަށް ކޯޗު ގެރެތް ސައުތް ގޭޓް ބުނެފި އެވެ.

އޭނާ މިހެން ބުނީ ޔޫރޯ ފުޓްބޯޅަ މުބާރާތުގެ ފައިނަލްގައި ސްޕޭން އަތުން 2-1ން ބަލިވުމުންނެވެ. މިއީ ޔޫރޯ ފައިނަލުގައި ޖެހިޖެހިގެން ދެ މުބާރާތުގައި ކުޅެ އިނގިރޭސިން ބަލިވި ދެ ވަނަ ފަހަރެވެ. 2021 ވަނަ އަހަރު އިނގިރޭސިން ބަލިވީ އިޓަލީއާ ވާދަކޮށް ޕެނަލްޓީ ޖަހައިގެންނެވެ.

އޭނާ ބުނީ އިނގިރޭސިންނަށް 2016 ވަނަ އަހަރުގެ ފަހުން އޭނާގެ ކޯޗުކަމުގައި ތައްޓެއް ނުލިބި ދިއުމަކީ ދެރަކަމެއް ކަމަށާއި ނަމަވެސް ކޯޗުކަމުގައި ހުރުމާމެދު އެންމެން ދެކޭ ބެލުން މުހިންމު ކަމަށެވެ. ގޭޓް ކުރިން ވެސް ހުރީ ޔޫރޯގެ ނަތީޖާ ނުކުންނަ ގޮތަކުން ކޮންޓްރެކްޓް އާކުރުމާމެދު ގޮތެއް ނިންމާށެވެ.

އިނގިރޭސިންނަށް މިހާތަނަށް ފުޓްބޯޅައިން ލިބުނު ހަމައެކަނި ތައްޓަކީ 1966ގެ ވޯލްޑް ކަޕެވެ.