އިންގްލޭންޑް ގޮވައިގެން މި ފަހަރުގެ ޔޫރޯ ފުޓްބޯޅަ މުބާރާތުގެ ފައިނަލަށް ދަތުރު ކުރެވުމަކީ އޭނާގެ އެންމެ ބޮޑު ކާމިޔާބު ކަމަށް ކޯޗު ގެރެތް ސައުތުގޭޓް ބުނެފި އެވެ.
ނެދަލޭންޑްސް ކޮޅަށް ވަހު ވަގުތު ބަދަލު ކުޅުންތެރިޔާ އޮލޭ ވަޓްކިންސްގެ ޖެހި ގޯލަށް ފަހު އިނގިރޭސިން ފައިނަލަށް ދަތުރުކުރި މެޗަށް ފަހު ކޯޗު ބުނީ މި ފައިނަލް ހާއްސަ ވަނީ މިއީ އިނގިރޭސިން 1966ގެ ފަހުން ގައުމުން ބޭރުގައި ކުޅޭ ފުރަތަމަ ފައިނަލަށްވުމުން ކަމަށެވެ.
ރަށުން ބޭރުގައި ސަޕޯޓަރުން ދަތުރުކޮށް ބަލަންޖެހޭ ފައިނަލަށް ޓީމު ގެންދިއުމަކީ އަހަރެންގެ އެންމެ ބޮޑު ކާމިޔާބީ. މިކަމާމެދު ޝައްކެތްނެތް. އަހަރެން މިވަގުތު މިހުރީ ވަރަށް އުފަލުންއިންގްލޭންޑްގެ ކޯޗު ގެރެތް ސައުތު ގޭޓް![]()
ކުރީގެ ޑިފެންޑަރު އިނގިރޭސި ގައުމީ ޓީމާ ހަވާލުވީ 2016 ވަނަ އަހަރު އެވެ. އެއަށް ފަހު އޭނާގެ ކޯޗުކަމުގައި އިނގިރޭސީން ވަނީ 2018 ވަނަ އަހަރުގެ ވޯލްޑްކަޕުގެ ސެމީ ފައިނަލް ކުޅެ 2021 ވަނަ އަހަރުގެ ޔޫރޯ ފައިނަލް އަމިއްލަ ގައުމުގައި ކުޅެފަ އެވެ. އަދި މި ފަހަރުގެ ފައިނަލަށް ދަތުރުކުރިއިރު އޭނާ ވެފައިވަނީ ފަހަކަށް އައިސް ގައުމީ ޓީމާ ހަވާލުވި އެންމެ ކާމިޔާބު ކޯޗަށެވެ. ނަމަވެސް މި ފަހަރުގެ މުބާރާތް ފެށީ ވެސް އޭނާ އަށް ގިނަ ފާޑުކިއުންތަކެއް އަމާޒުވެފައި ވަނިކޮށެވެ. މިކަމާ ބެހޭ ގޮތުން ސައުތު ގޭޓް ބުނީ ގައުމަށް ހިދުމަތްކޮށްދީ ރަނގަޅު ކާމިޔާބީ ހޯދަމުން އަންނަ މީހާއާ ދިމާލަށް ފާޑު ހެދުމުން ދެރަވާނެ ކަމަށެވެ.
އަހަރެން މަސައްކަތް ކުރަނީ ގައުމަށް ރީތި ނަން ހޯދައިދޭން. ޓީމު ކާމިޔާބު ހޯދަމުން އަންނައިރު އެކަންކަން ހަނދާން ނައްތާލާފައި ނުވަތަ ކުރެވޭ ރަނގަޅު ކަންކަން އެއްކިބާކޮށް އަބަދު ފާޑުކިއުމަކީ ދެރަވާނެ ކަމެއް. އަހަރެން ހުންނާނީ ދަނޑުމަތީގައި ނެތަސް ގައުމީ ޓީމަށް ތަރުހީބު ދިނުމުގައިއިންގްލޭންޑްގެ ކޯޗު ގެރެތް ސައުތު ގޭޓް![]()
އޭނާ ބުނީ އިނގިރޭސިން އުފާވާނީ ތަށި ލިބިގެންކަން އެނގޭ ކަމަށާއި ފައިނަލުގައި ސްޕޭން ބަލިކުރުމަށް ވާންޖެހޭ ތައްޔާރީތައް ވަމުން އަންނަ ކަމަށެވެ.
އިނގިރޭސީންނަށް މިހާތަނަށް ކާމިޔާބު ކުރެވުނު ހަމައެކަނި ބޮޑު މުބާރާތަކީ 1966ގެ ވޯލްޑްކަޕެވެ.