ދުނިޔޭގެ ގިނަ ބައެއްގެ މަގްބޫލް ކަން ހޯދި 'ޓައިޓޭނިކް' ފިލްމް ގެ ޕްރޮޑިއުސަރ ޖޮން ލަންޑައު މަރުވެއްޖެއެވެ.
ޓައިޓޭނިކް ގެ އިތުރުން މުޅި ދުނިޔޭގައި މަޝްހޫރުވި ފިލްމް 'އެވަޓަރ' ޕްރޮޑިއުސް ކުރީ ވެސް ލަންޑައު އެވެ.
ލަންޑައު މަރުވީ އަހަރަކަށް ވުރެ ގިނަ ދުވަހު ކެންސަރު ބައްޔަށް ފަރުވާ ހޯދަމުން ގޮސް މި ދިޔަ ހުކުރު ދުވަހު ކަމަށް އާއިލާ އިން ވަނީ ބުނެފައެވެ.
1997 ވަނަ އަހަރު އުފެއްދި ޓައިޓޭނިކް އަކީ ދުނިޔޭގެ ބޮކްސް އޮފީހުގައި 1 ބިލިއަން ޑޮލަރަށް ވުރެ މައްޗަށް އާމްދަނީ ހޯދި ދުނިޔޭގެ ފުރަތަމަ ފިލްމް ކަމަށް ވަނީ ރެކޯޑް ކުރެވިފައެވެ.
އޭގެ ފަހުން 2009 ވަނަ އަހަރު ނެރުނު 'އެވާޓަރ' އާއި 2002 ވަނަ އަހަރު އުފެއްދި 'ދަ ވޭ އޮފް ވޯޓަރ' ވެގެން ދިޔައީ ލަންޑައު އުފެއްދި ފިލްމް ތަކުގެ ތެރެއިން ޓައިޓޭނިކްގެ ރެކޯޑް ބޮކްސް އޮފީހުގައި މުގުރާލި ފިލްމް ތަކަށެވެ.
