ފްރާންސްގެ އާއްމު އިންތިޚާބުގެ ފުރަތަމަ ބުރުގައި ރައީސް މެކްރޮންގެ ޕާޓީ ދިޔައީ ތިން ވަނައަށް

ފްރާންސްގެ ގާނޫނު ހަދާ މަޖިލީހަށް މެމްބަރުން އިންތިޚާބު ކުރުމަށް އާދިއްތަ ދުވަހު ބޭއްވި އާއްމު އިންތިޚާބުގެ ފުރަތަމަ ބުރުގައި، ނޭޝަނަލް ރެލީ ޕާޓީ ބޮޑު ކާމިޔާބެއް ހޯދި އިރު ރައީސް މެކްރޮން ޕާޓީ ދިޔައީ ތިން ވަނައަށެވެ.

ފުރަތަމަ ބުރުގެ ކާމިޔާބާ އެކު ނޭޝަނަލް ރެލީ (އާރުއެން) ގެ ސަޕޯޓަރުންނާ ވާހަކަ ދައްކަމުން، ޕާޓީގެ އެންމެ މުހިންމު ތަނބުގެ ގޮތުގައި ބެލޭ މެރީން ލާ ޕެން ބުނީ، ރައީސް މެކްރޮންގެ ވިސްނުމުގައި މަސައްކަތް ކުރި އެންމެން ކަހަލަ ގޮތަކަށް ފޮހެލެވިއްޖެ ކަމަށެވެ.

"ފަރަންސޭސި ހުރިހާ ރައްޔިތުންގެ ބޮޑު ވަޒީރަކަށް ވުމުގެ އުންމީދުގައި އަހަރެން މިހުރީ." އާރްއެން ޕާޓީގެ ލީޑަރު އުމުރުން 28 އަހަރުގެ ޖޯޑަން ބާޑެލާ ސާޕޯޓަރުންނާ ވާހަކަ ދައްކަމުން ބުންޏެވެ.

ޔޫރަޕްގެ ދެވަނަ އަށް އެންމެ ބޮޑު އިގްތިސާދު ފަރަންސޭސި ވިލާތުގެ އާއްމު އިންތިޚާބުގެ ފުރުތަމަ ބުރުގެ ނަތީޖާ ދެއްކި ގޮތުން ދެވަނަ ބުރުގައިވެސް އެންމެ ބޮޑު ކާމިޔާބެއް ލިބޭނީ ނޭޝަނަލް ރެލީ އަށް ކަމަށް ބެލެވޭއިރު، ޕާޓީގެ ޒުވާން ލީޑަރ ޖޯޑަން ބާޑެލާ އަށް ބޮޑު ވަޒީރުކަން ލިބި ސަރުކާރެއް އެކުލަވާލުމުގެ ޔަގީން ކަން ލިބެން އޮތީ މަޖިލީހުގެ ފުރިހަމަ މެޖޯރިޓީ ޖުލައި 7 ވަނަ ދުވަހު އޮންނަ ދެވަނަ ބުރުގެ ވޯޓުގައި އާރުއެން އަށް ލިބިގެން ނެވެ.

ފަރަންސޭސި ވިލާތުގެ އާއްމު އިންތިޚާބު އަވަސް ކުރުމަށް ނިންމަވާ އިންތިޚާބު އިއުލާން ކުރެއްވި އިރު، އުއްމީދު ކުރި ވަރާ ގާތައް ވެސް މެކްރޮންގެ ޕާޓީއަށް އިންތިޚާބު ގެ ފުރަތަމަ ބުރުގައި ކާމިޔާބު ނުވިކަން ގިނަ ބަޔަކު އަންނަނީ ފާހަގަ ކުރަމުންނެވެ.

މިހާރު ބެލެވޭ ގޮތުގައި ރައީސް މެކްރޮންގެ ޕާޓީ އަށް މަޖިލީހުގައި ލިބިގެން ދާނީ ވަރަށް ހަނި މައިނޯރިޓީއެކެވެ. އެއާއެކު ރައީސްގެ މަގާމުގައި ދައުރުގެ ބާކީ އޮތް 3 އަހަރު ހުންނަވަން ޖެހޭނީ މާ ބޮޑަށްވެސް ބާރު ކުޑަ ރައީސެއްގެ ގޮތުގައި ކަމަށް މަސްރަހް ދިރާސާ ކުރާ ފަރާތްތަކުން ބުނެއެވެ.

ފުރަތަމަ ބުރުގެ ނަތީޖާ ނުކުތް ގޮތުން މެކްރޮން ވާނީ ދެ ވަނަ ބުރުގައި އާރުއެން ބަލި ކުރުމަށް އިއްތިހާދު ފުޅާ ކުރުމަށް ގޮވާލައްވާފައެވެ.

އިންތިޚާބަށް ފަހު މަގާމު ގެއްލޭނެ ކަމަށް ބެލޭވެ، ފަރަންސޭސި މިހާރުގެ ބޮޑު ވަޒީރު ގެބްރިއަލް އަޓަލް ވަނީ ދެވަނަ ބުރުގައި އެންމެ ވޯޓެއްވެސް އާރުއެން ލިބިގެން ނުވާނެ ކަމަށް ވިދާޅުވެފައެވެ.

ވަތަނީ ފިކުރު ސިޔާސީ އަސާސެއްގެ ގޮތުގައި ގެންގުޅޭ އާރްއެން އަކީ އެހެން ގައުމުތަކަށް އުފަން މީހުންނަށް ފަރަންސޭސި ރައްޔިތުކަން ދިނުމަށް ދެކޮޅު ހެދުމާއި، ވިލާތުގެ އިއްތިހާދުގެ މަގްސަދު ތަކާވެސް ޚިޔާލު ތަފާތު ޕާޓީއަކަށް ވުމާއެކު މި ޕާޓީން ފަރަންސޭސި ވިލާތުގައި ސަރުކާރެއް އެކުލަވާލާ ހިންގުން ވެގެންދާނީ ބޮޑެތި ބަދަލުތަކެއް ފެނިގެންދާނެ ކަމަކަށެވެ.

ނޭޝަނަލް ރެލީ ގެ ލީޑަރު ޖޯޑަން ބާޑެލާ ބުނެފައިވަނީ އޭނާ ބޮޑު ވަޒީރެއްގެ ގޮތުގައި ހުންނަ ސަރުކާރެއް އެކުލަވާލާނީ، 577 ގޮނޑީގެ މައްޗަށް އެކުލެވޭ ނޭޝަނަލް އެސެމްބްލީގެ ފުރިހަމަ މެޖޯރިޓީ ލިބިއްޖެ ނަމަ ކަމަށެވެ.