ރާއްޖޭގައި ހިންގާ އަމިއްލަ ޓީވީ ސްޓޭޝަނެއް ކަމަށްވާ އޯޝަން ޓީވީ ހިންގާ އިމާރާތް ފަޅާލާ އެތަނުން ވައްކަން ކޮށްފިއެވެ.

ހުކުރު ދުވަހުގެ ހަވީރުގެ ވަގުތެއްގައި ހިނގި މިހާދިސާގައި ތަނުގެ ތަކެއްޗަށް ގެއްލުން ދިނުމުގެ އިތުރުން ބައެއް ތަކެތި ވަގަށް ގެންގޮސްފައިވާ ކަމަށްވެސް މައުލޫމާތު ލިބިފައިވެއެވެ.

ސްޓޭޝަން ހިންގާ އިމާރާތުގެ ދޮރު ހަލާކުކޮށްލައިގެން މީހަކު ތަނުގެ ތެރެއަށް ވަންނަ ވީޑިއޯ އެއް "އެކްސް" ގައި ވަނީ ހާމަކޮށްފައެވެ.

ވީޑިއޯގައި ތަނަށް ގެއްލުންދީ ވައްކަން ކުރި މީހާގެ ހަރަކާތްތައް ސާފުކޮށް ފެންނަން ހުއްޓެވެ.