މަޖިލީހުގެ ނައިބު ރައީސް ރީކޯ މޫސަ ގައުމީ ސަލާމަތާއި ބެހޭ ކޮމިޓީގައި މިއަދު ބައިވެރިވެރިވެވަޑައިގަތީ އެމްޑީޕީގެ ސްލޮޓުގައި: މަހުލޫފު
10 އޯގަސްޓު 2017 | ބުރާސްފަތި 13:41ދައުލަތުގެ މުއައްސަސާތަކުން ކަންކަން ކުރަނީ އިންސާފުން ބޭރުން
ަލޮޅު ދެކުނު ދާއިރާގެ މެންބަރު އަހްމަދު މަހުލޫފު
ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު ބުރާސްފަތި ދުވަހު ބޭއްވި ގައުމީ ސަލާމަތާއި ބެހޭ ކޮމިޓީގައި ބައިވެރިވެވަޑައިގަތީ އެމްޑީޕީގެ ސްލޮޓުގައި ކަމަށާއި ވާހަކަ ދެއްކެވީ އެމްޑީޕީގެ މެންބަރެއްގެ ގޮތުގައި ކަމަށް ގުޅިފައިވާ ސިޔާސީ ޕާޓީތަކުގެ ސްޕޯކްސްޕާސަން އަދި ގަލޮޅު ދެކުނު ދާއިރާގެ މެންބަރު އަހްމަދު މަހުލޫފު ވިދާޅުވެއްޖެ އެވެ.
މ.ކުނޫޒްގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަހްމަދު މަހުލޫފު ވިދާޅުވީ، ސުޕްރީމްކޯޓުގައި މިހާރު ކުރިއަށްދާ މަޖިލީހުގެ މެންބަރުންގެ ގޮނޑި ގެއްލުވާލި މައްސަލައިގައި ދައުލަތުގެ ވަކީލުން އެންމެ ބޮޑަށް ނަގާ ޕޮއިންޓަކީ ގޮނޑި ގެއްލުނު ކަމަށް ބުނާ މެންބަރުން ދެވަނަ ފަހަރަށް ޕީޕީއެމް އިން ކަނޑާލަންދެން މަޖިލީހުގައި އެ މެންބަރުން ވަކާލާތު ކޮށްފައިވަނީ ރައްޔތިުންގެ މަޖިލީހުގެ ޕީޕީއެމްގެ ޕާލިމެންޓްރީ ގްރޫޕުގެ މެންބަރުންގެ ގޮތުގައި ކަމަށް ބުނެ ކަމަށެެވެ. އެެހެން ނަމަވެސް މިއަދު މަޖިލީހުގެ ތެރެއިން ޕީޕީއެމްގެ މެންބަރެއްގެ ގޮތުގައި ހުންނެވި މެންބަރު ރީކޯ މޫސަ ވެސް މަޖިލީހުގެ ކޮމިޓީއެއްގައި ބައިވެރިވެ ވަޑައިގެން ވާހަކަދައްކާފައިވަނީ ކުރިން އޭނާ ހުންނެވި އެމްޑީޕީގެ ސްލޮޓެއްގައި ކަމަށް ވިދާޅުވިއެވެ.
މަހުލޫފު ވިދާޅުވީ، އޭނާ ޕީޕީއެމްއިން ވަކިވިފަހުން ގާތްގަނޑަކަށް ހަމަސްވަންދެން މަސައްކަތް ކުރައްވަން ޖެހުނީ ޕީޕީއެމްގެ ސްލޮޓުގައި ކަމަށެވެ. އެގޮތަށް މަޖިލީހުގައި މަސައްކަތް ކުރައްވަން ޖެހުނީ އިލެކްޝަންސް ކޮމިޝަނުން އޭނާ ކަނޑާނުލައިގެން ކަމަށާއި އަމިއްލައަށް މަޖިލީހުގެ ތެރެއިން ޕާޓީން ކެނޑިގެން ހުރެވޭނެ އެއްވެސް ގޮތެއް ނޯންނަ ކަމަށެވެ. މަޖިލީހުގެ އެހެން މެންބަރުންނަށް ވެސް ދިމާވެގެން އުޅެނީ އެފަދަ މައްސަލައެއް ކަަމަށް އޭނާ ވިދާޅުވި އެވެ.
އޭނާ ވިދާޅުވީ، މަޖިލީހުގެ ހަތަރު މެންބަރެއްގެ ގޮނޑިއާއި މެދު ސުޕްރީމް ކޯޓުން ގޮތެއް ކަނޑައެޅުމުގައި އިންސާފުވެރިގޮތަކަށް ކަންކަން ނިންމަވާނެ ކަމަށް އުންމީދު ކުރއްވާ ކަމަށެވެ.
" މިއީ ސުޕްރީމްކޯޓުގައި ދިފާއުގެ ގޮތުގައި ދައުލަތުން ހުށަހަޅާފައިވާ އެއްޗަކީ. ދައުލަތް މިއަދު ސުޕްރީމް ކޯޓުގައި ތަމްސީލުކުރާ އިރު ހީވަނީ ޕީޕީއެމްގެ ސެކެޓްރީ ޖެނެރަލް ވާހަކަ ދައްކަވާހެން. މިހިސާބަށް ކަންކަން ދިއާއިމަ އަޅުގަނޑުމެން ވަރަށް ބޮޑަށް ލަދުވެތިވަން." މަހުލޫފު ވިދާޅުވި އެވެ.
މަހުލޫފު ވިދާޅުވީ، މިއަދު ކުޅޭކުޅޭ ކަމެއްގެ ގޮތުގައި ގުޅިފައިވާ ޕާާޓީތަކުގެ އިސް މެންބަރުންގެ ޕާސްޕޯޓު ހިފަހައްޓަމުން ދާތީ ކަންބޮޑުވާ ކަމަށެވެ.
މަހުލޫފު ވިދާޅުވީ، ޖުމްހޫރީޕާޓީގެ ލީޑަރު ގާސިމް އިބްރާހިމު ބަލިހާލުކޮޅަށް ފަރުވާ ހޯދުމަށް ހުރަސްއެޅިފައިވަނީ ވެސް، ޕާސްޕޯޓު ހިފެހެއްޓުމުގެ ސަބަބުން ކަމަށެވެ.
" ރައްޔިތުންގެ މަޖިލީހުގެ ރައީސް މަސީހުގެ ޕާސްޕޯޓު ހިފަހައްޓާފައި އޮތުމަކީ، އެއްވެސް ހާލެއްގައި އަޅުގަނޑުމެންގެ ކުށެއް ނޫން." މަހުލޫފު ވިދާޅުވި އެވެ.
