ސްޕޭންގައި ޔޫރޯފިއާ ފެށިއްޖެ، ކޯޗު ބުނަނީ ހަމަޖެހިގެން ތިބުމަށް

ކްރޮއޭޝިޔާ 3-0 އިން ބަލިކޮށް ޔޫރޯ ފުޓްބޯޅަ މުބާރާތުގައޮ މޮޅަކުން ފެށުމާއެކު ސްޕޭނުގައި ޔޫފޯރިއާ ފެށިއްޖެ އެވެ.

މިކަމާ ގުޅިގެން މެޗަށް ފަހު ޯޗު ޑެލަފުއެންޓޭ ބުނީ އޭނާ އެދެނީ ކުޅުންތެރިން މިކަމުގައި ބައިވެރިނުވެ ހަމަބިމުގައި ތިބުމަށް ކަމަށެވެ. ސަބަބަކީ ހާސިލްކުރަންޖެހޭ ޓާގެޓަށް ވާސިލަވުމަށް އަދި ގިނަ މަސައްކަތްތަކެއް ކުރަން ޖެހިފައި އޮތުން ކަމަށެވެ.

އޭނާ ބުނީ ބޭރުތެރޭގައި ހިނގާ ކަންކަން އޭނާ އަށް ކޮންޓްރީލް ނުކުރެވޭނެ ކަމަށާއި މުޅި ގައުމު އުފާފާޅުކުރި ނަމަވެސް ޓީމަށް ނޭދެވޭ އަސަރުނުކުރާ ގޮތަށް ކަންކަން ބައްޓަންކުރަން ޖެހޭ ކަމަށެވެ.

އަލްވާރޯ މޮރާޓާ އާއި ބްރަޔަން ރުއިޒް އަދި ޑެނީ ކަވަހާލް ފުރަތަމަ ހާފުގައި ޖަހައިން ލަނޑުތަކުން ކްރޮއޭޝިޔާގެ މައްޗަށް ސްޕޭން މޮޅެއް ހޯދިއިރު ކޯޗު ބުނީ މި ނަތީޖާގެ ސަބަބުން އޭނާގެ ޓީމަށް ވަރަށް ބޮޑު އިތުބާރެއް ލިބިއްޖެ ކަމަށެވެ. އަދި އޭނާގެ ޓީމަކީ ވަރަށް ޒުވާން ޓީމަކަށްވުމުން އަދިވެސް އިތުރަށް މަސައްކަތްކޮށް ކުރިއަށްދެވޭނެކަން ކޯޗު ފާހަގަކުރި އެވެ.

ގްރޫޕް ބީގައި ސްޕޭނާއި ކްރޮއޭޝިޔާ އަދި އިޓަލީ އާއި އަލްބޭނިއާ ހިމެނޭ ގްރޫޕުގައި މިވަގުތު އެއްވަނާގައިވަނީ ތިން ފަހަރުގެ ޗެމްޕިއަން ސްޕޭނެވެ.