ސްކޮޓްލޭންޑްގައި މޮޅު ހައެއްކަ ކުޅުންތެރިން އެބަތިބި: ނާގަލްސްމަން
14 ޖޫން 2024 | ހުކުރު 06:39ބަލިވިޔަސް އެއީ މޮޅަށް ކުޅޭ ޓީމެއް: ކޯޗު
ޖަރުމަނުގެ ކޯޗު ހޫލިއަން ނާގެލްސްމަން
ސްކޮޓްލޭންޑްގައި މޮޅު ހައެއްކަ ކުޅުންތެރިން އެބަތިބި ކަމަށް ޖަރުމަނުގެ ކޯޗު ހޫލިއަން ނާގަލްސްމަން ބުނެފި އެވެ.
އޭނާ މިހެން ބުނީ ޔޫރޯ ފުޓްބޯޅަ މުބާރާތް ހުޅުވަން މިރޭ ދަންވަރު ސްކޮޓްލޭންޑާ ދެކޮޅަށް ކުޅޭ މެޗާ ބެހޭ ގޮތުން ވާހަކަ ދައްކަމުންނެވެ.
އޭނާ އަދި ބުނީ ސްކޮޓްލޭންޑަކީ ބަލިވި ނަމަވެސް ވަރަށް ރަނގަޅަށް ކުޅޭ ޓީމެއް ކަމަށެވެ. މި މެޗަށް ތައްޔާރުވުމަށް އެ ގައުމު ކުޅެފައިވާ ބައެއް މެޗުތައް ވެސް ބަލާފައިވާ ކަމަށެވެ.
ފާއިތުވެދިޔަ 10 އަހަރު ތެރޭގައި ޖަރުމަނަށް ބޮޑު މުބާރާތެއްގެ ތައްޓެއް ނުހޯދެ އެވެ. އަދި ފައިނަލަށް ވެސް ނުދެވެ އެވެ. މިހެންވެ ޖަރުމަނުގެ ގިނަ ބައެއްގެ މެދުގައި ޓީމާމެދު ވަނީ ހިޔާލުތަފާތުވެފަ އެވެ. ކޯޗު ނާގަލްސްމަން ބުނީ މިފަދަ ކަންކަމުގެ ސަބަބުން މެޗުގެ ޕްރެޝަރު ބޮޑީ އޭނާގެ ޓީމަށް ކަމަށެވެ.
