ޕާކިސްތާން ވަނީ ފުރަތަމަ މެޗުގައި އެމެރިކާ އަތުން ވެސް ބަލިވެފައި
ޕާކިސްތާން ކުޅުންތެރިން
އިންޑިއާ އަތުން ފަހު އޯވަރުގައި ބަލިވެ، ޓުވެންޓީ20 ކްރިކެޓް މުބާރާތުގައި ޕާކިސްތާން ނޭވާ ހޮޅިއަށް އެނގިއްޖެ އެވެ.
ކްރިކެޓަށް މަޝްހޫރު އަދި ކުރީގެ ޗެމްޕިއަން ޓީމަށް މިހާރު ދެ ވަނަ ބުރަށް ދެވޭނީ ކުރިއަށް އޮތް ދެ މެޗުން ވެސް މޮޅުވެގެންނެވެ.
މި މެޗުގައި އިންޑިޔާއިން ކުޅެން ފުރަތަމަ ކުޅެން ނުކުމެ 19 އޯވަރުގެ ތެރޭގައި އެންމެން ނުބައިވެގެން ހެދުނީ 119 ލަނޑެވެ. ޖަވާބުގައި ޕާކިސްތާނަށް 20 އޯވަރު ތެރޭގައި ހެދުނީ 113 ލަނޑެވެ.
ނަތީޖާ މިހެން އޮތް ނަމަވެސް ޕާކިސްތާނުގެ ކޯޗު ގްރޭ ކްރިސްޓަން ބުނީ ދުނިޔޭގެ ކްރިކެޓް އަބަދުވެސް އަންނަނީ ކުރިއަރަމުން ކަމަށާއި ކްރިކެޓްގެ ފެންވަރަށް ކުޅުންތެރިން ކުރިނާރާނަމަ މައްސަލަ ކުރިމަތިވާނެ ކަމަށެވެ. އޭނާ އަދި ބުނީ މެޗުގައި ޕާކިސްތާން ހެދުނު ގޯހަކީ ފަހު އޯވަރުތަކުގައި މާބޮޑަށް ފަސޭހަކޮށްލެވުން ކަމަށެވެ.
ޕާކިސްތާނުގެ ކެޕްޓަން ބާބަރް އަޒަމް ބުނީ ފުރަތަމަ މެޗުގައި އެމެރިކާ އަތުން ބަލިވި ޓީމު އިންޑިޔާއާ ދެކޮޅަށް ފުރަތަމަ އޯވަރުތަކުގައި ރަނގަޅަށް އުކާފައިވާ ކަމަށެވެ.
އިންޑިޔާގެ ކެޕްޓަން ރޯހިތް ޝަރުމާ ބުނީ އޭނާގެ ޓީމަށް ވެސް ރަނގަޅަށް ބެޓް ނުކުރެވުނު ކަމަށެވެ.
މުބާރާތުގެ ފުރަތަމަ މެޗުގައި ޕާކިސްތާން، ކްރިކެޓްގެ އެންމެ މަތީ ފެންވަރުގައި ވާދަކުރަން ފެށި އެމެރިކާ އަތުން ބަލިވީ ދެ ޓީމު އެއްވަރުވެގެން ކުޅުނު ސުޕަ އޯވަރުގައި ނާކާމިޔާބުވެގެންނެވެ.
