އިންޑިއާގެ 391 ހައްޖުވެރިން ތިބި އިމާރާތެއްގައި އަލިފާނުގެ ހާދިސާއެއް ހިނގައިފި
9 އޯގަސްޓު 2017 | ބުދަ 16:09މިހާދިސާގައި މީހަކަށް ގެއްލުމެއް ނުވޭ
އަންގާރަ ދުވަހު ހިނގި އަލިފާނުގެ ހާދިސާ އާ ގުޅިގެން ހައްޖުވެރިން ހޮޓަލުން ނެރެނީ
ހައްޖުގެ އަޅުކަން އަދާކުރުމަށް ގޮސް ތިބި އިންޑިއާގެ 391 މީހުން ތިބި އިމާރާތެއްގައި އަލިފާނުގެ ހާދިސާއެއް ހިނގުމުގެ ސަބަބުން އެމީހުން ރައްކާތެރި ތަނަކަށް ގެންގޮސްފި ކަމަށް ސައުދީ އަރަބިއްޔާގެ މީޑިއާއިން ރިޕޯޓު ކޮށްފިއެވެ.
އަލް އަޒީޒިއްޔާގައި ހުރި މި ހޮޓަލުގައި އަލިފާނުގެ ހާދިސާ ހިނގީ އަންގާރަ ދުވަހުއެވެ.
މިހާދިސާގައި މީހަކަށް ގެއްލުމެއް ނުލިބެއެވެ.
މި ހާދިސާ ހިނގި ހޮޓަލުގައި ގިނައިން ތިބީ އިންޑިއާގެ އާސާމް އިން ހައްޖަށް އައިސް ތިބި މީހުންނެވެ.
ސައުދީ މީޑިއާއިން ބުނެފައިވަނީ އަލިފާނުގެ ހާދިސާ ހިނގިކަމަށް ބެލެވެނީ ކަރަންޓަށް ގުޅާފައި އޮތް މޮބައިލް ޗާޖަރެއްގެ ސަބަބުން ޝޯޓް ސާރކިޓް ވެގެން ކަމަށެވެ.
ހާދިސާ ހިނގީ ހޮޓަލުގެ 7 ވަނަ ބުރީގެ ކޮޓަރިއެއްގައެވެ. ސައުދީގެ ސިވިލް ޑިފެންސްފޯސް އިން ހަރަކާތްތެރިވެ ކުޑަ އިރުކޮޅެއްގެ ތެރޭގައި އަލިފާން ވަނީ ނިއްވާލާފައެވެ.
