ސައިކަލުތަކުގަ ރޯކޮށްލި މައްސަލައިގައި 36 އަހަރުގެ މީހަކު ހައްޔަރުކޮށްފި
މި މައްސަލައާއި ގުޅިގެން 36 އަހަރުގެ ދިވެހި ފިރިހެނެއް
ޕާކިންގް ޒޯންގައި ހުރި ސައިކަލްތައް ރޯކޮށްލާފައި
ކުރީގެ ދަރުމަވަންތަ ސްކޫލްހުރިތަނުގައި ހަދާފައިވާ ޕާކިންޒޯންގައި ހުރި ސައިކަލްތަކެއްގައި ރޯކޮށްލި މައްސަލައިގައި މީހަކު ހައްޔަރުކޮށްފިއެވެ.
ފުލުހުން ބުނީ މެދުޒިޔާރަތްމަގު ހޮޓެލް ޖެންކައިރި ސައިކަލް ޕާކިން ޒޯންގައި ހުރި ސައިކަލްތަކެއްގައި އަލިފާން ރޯކޮށްލާފައިވާކަމަަށް އަންގާރަ ދުވަހުގެ 3:30 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި އަލިފާން ރޯކޮށްލުމާއި ގުޅިގެން 7 ސައިކަލަކާއި ވޭނަކަށް ގެއްލުން ލިބިފައިވާ ކަމަށެވެ. އަދި މީގެ ތެރެއިން 3 ސައިކަލް ވަނީ ބޭނުން ނުކުރެވޭ ވަރަށް އަނދާފައި ކަމަށެވެ.
މި މައްސަލައާއި ގުޅިގެން 36 އަހަރުގެ ދިވެހި ފިރިހެނަކު ވަނީ ހައްޔަރުކޮށްފައެވެ.
އަދި އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 30 ދުވަހަށް ބަންދުކުރުމަށް ބުރާސްފަތި ދުވަހު އަމުރުކޮށްފައިވާ ކަމަށެވެ.
