މަސްތުވާތަކެތި ކަމަށް ޝައްކު ކުރެވޭ 37 ސެލޯފިން ކޮޅާއެކު ހޯރަފުށިން މީހަކު ހައްޔަރުކޮށްފި
3 ޖޫން 2024 | ހޯމަ 14:12އޮޕަރޭޝަނުގައި ހައްޔަރުކޮށްފައިވަނީ 28 އަހަރުގެ މީހަކާއި 39 އަހަރުގެ މީހެއް
ފުލުހުން އަތުލައިގަތް މަސްތުވާތަކެތި
މަސްތުވާތަކެތި ކަމަށް ޝައްކު ކުރެވޭ 37 ސެލޯފިން ކޮޅާއެކު ހޯރަފުށިން މީހަކު ހައްޔަރުކޮށްފިއެވެ.
ކުޅުދުއްފުށިން ހޯރަފުއްޓަށް މަސްތުވާތަކެތި ގެންދާކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އެ އޮޕަރޭޝަނުގައި ހައްޔަރުކޮށްފައިވަނީ 28 އަހަރުގެ މީހަކާއި 39 އަހަރުގެ މީހެކެވެ. މި ދެމީހުންނަކީ ވެސް ދިވެހި ފިރިހެނުންނެވެ.
ޖޫން 1 ވަނަ ދުވަހު ހިންގި އެ އޮޕަރޭޝަނުގައި، ހޯރަފުށި ބަނދަރުމަތިން އެމީހުން ހުއްޓުވައި ބަލައި ފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 37 ސެލޯފިންކޮޅު ފެނިފައިވެއެވެ.
މި މައްސަލައާ ގުޅިގެން އެ މީހުންގެ ބަންދާމެދު ގޮތެއް ނިންމުމަށް ހޯރަފުށި މެޖިސްޓްރޭޓް ކޯޓަށް ހާޒިރުކުރުމުން 10 ދުވަހަށް ބަންދުކުރުމަށްވަނީ އަމުރުކޮށްފައެވެ.
މި މައްސަލަ ހޯރަފުށީ ޕޮލިސް ސްޓޭޝަނުން ގެންދަނީ ތަހުގީގު ކުރަމުންނެވެ.
