ހޯރަފުށީ ވޮލީ ލީގް ޗެމްޕިއަންކަން ޕޮލިސް ޓީމަށް

ހއ. ހޯރަފުށީ ވޮލީ ލީގުގެ ޗެމްޕިއަންކަން ޕޮލިސް ޓީމު ހޯދައިފި އެވެ.

މުބާރާތަށް އެންމެ ފޯރިއާއެކު ތައްޔާރުވި ޓީމުން ޗެމްޕިއަންކަން ހޯދީ ރޭ ކުޅުނު ފައިނަލުގައި ފްރިގޭޓާއާ ވާދަކޮށް 3-1 ސެޓުންނެވެ. މެޗުގެ ފުރަތަމަ ދެ ސެޓް ޕޮލިސް ގެންދިޔައީ 25-21 އިންނެވެ. ނަމަވެސް ތިން ވަނަ ސެޓް 23-25 އިން ފްރިގޭޓާ ކާމިޔާބުކޮށް ވާޑަވެރިކަން އިތުރުކުރި އެވެ. ޕޮލިސް ޗެމްޕިއަންކަން ހޯދީ ފޯރިގަދަވި ހަތަރު ވަނަ ސެޓް 26-24 އިން ކާމިޔާބުކޮށްގެންނެވެ.

ފަސް ލީގު ލީގުން އުސޫލުން ވާދަކުރި މުބާރާތުގެ މޮޅު ކުޅުންތެރިއަކީ ޕޮލިސް ޓީމުގެ ޕާކިސްތާން ޖެހުންތެރިޔާ މުބާޝަރު ރަޒާ އެވެ. ގަދަ ހަ ކުޅުންތެރިންގެ ތެރޭގައި ދެން ހިމެނުނީ ފްރިގޭޓާގެ ޗައުދަރީ މަންނަތާއި ފެއާޕްލޭ ޓީމަކަށް ހޮވުނު އިމަގުގެ ގަންދީޕް ސިންގާއި ޕޮލިސް ޓީމުގެ އިބްރާހީމް އަލީ އާއި އާދަމް ނަސީމް އަދި ފްރިގޭޓާގެ ފަތުހުﷲ އަހުމަދެވެ.

މުބާރާތުގެ ޑްރީމް ޓީމުގައި ހިމެނުނީ ޕޮލިސް ޓީމުގެ އިބްރާހީމް އަލީ އާއި އިބްރާހީމް އިހުސާނާއި ފްރިގޭޓާގެ ފަތުހުﷲ އަހުމަދާއި އަހުމަދު މުހައްމަދާއި މުހައްމަދު ޒަޔާން ރަޝީދާއި ކްލަބް ޖީއެސްގެ އަލީ އަސްލަމެވެ.

މުބާރާތުގެ އެންމެ މޮޅު ކޯޗަކީ ޕޮލިސް ޓީމުގެ ކޯޗު މައުމޫރު މުހައްމަދެވެ.

މި މުބާރާތަކީ ހުނަރުވެރި ކުޅުންތެރިން އުފެއްދުމަށް ހޯރަފުށީ ކައުންސިލުން އިންތިޒާމްކޮށްގެން ބާއްވާ މުބާރާތެކެވެ.