ކ. މާލެ
|
6 އޯގަސްޓް 2017 | އާދީއްތަ 18:38
މުބާރާތުގެ ގުރު ގުރު ނެގުމަށް ބޭއްވި ރަސްމިއްޔާތުގެ ތެރެއިން
މުބާރާތުގެ ގުރު ގުރު ނެގުމަށް ބޭއްވި ރަސްމިއްޔާތުގެ ތެރެއިން
އަބްދުﷲ ޒިޔާން އަލީ
ކުރަމަތި ފުޓްސަލް ޓޯނަމެންޓް
ކުރަމަތި ފުޓްސަލް ޓޯނަމެންޓް 2017 ގެ ގުރު ނަގައިފި
 
މުބާރާތް ފެށުމަށް ހަމަޖެހިފައިވަނީ އަންނަ ބުރާސްފަތި ދުވަހު
 
މިފަހަރުގެ މުބާރާތުގައި 12 ޓީމް ވަނީ ބައިވެރި ވެފައި

ކުރަމަތި ރިސޯޓްއިން އިންތިޒާމުކޮށް ބާއްވަމުން އަންނަ "ކުރަމަތި ފުޓްސަލް ޓޯނަމެންޓް" ނުވަނަތަ "ކޭ ކަޕް 2017" ގެ ގުރު ނަގައިފިއެވެ.

ކުރަމަތި ރިސޯޓުގެ އެކި ޑިމާޓްމަންޓް ތަކުގެ މެދުގައި ސިލްސިލާކޮށް ބާއްވަމުން އަންނަ މި މުބާރާތުގެ ގުރު ނަގާފައިވަނީ ހޮނިހިރު ދުވަހުގެރޭ ކުރަމަތި ރިސޯޓުގައި  މިކަމަށްޓަކާ ހާއްސަކޮށްގެން ބޭއްވި  ރަސްމިއްޔާތެއްގައެވެ.

ޖުމްލަ 12 ޓީމު ބައިވެރި ވެފައިވާ މި މުބާރާތް ކުރިއަށް ގެންދިއުމަށް ހަމަޖެހިފައި ވަނީ 3 ގުރޫޕަކަށް ބަހާލައިގެންނެވެ. އެގޮތުން ގްރޫޕް ސްޓޭޖުގެ މެޗުތައް  ކުޅުމަށް ފަހު ދެން އޮންނާނީ ކުއާޓާ ފައިނަލްގެ މެޗުތަކެވެ. އެއަށްފަހު ސެމީ ފައިނަލުގެ ދެމެޗު ކުޅުމަށް ފަހު މޮޅުވާ ދެޓީމެއް ފައިނަލަށް ދަތުރުކުރާނެއެވެ.

މުބާރާތުގެ ގްރޫޕް "އޭ" ގައި ހިމެނެނެނީ، ތުނޑީ ހައުސްކީޕިންގް ޖޫނިއާސް އާއި، މެއިން އެފް އެންޑް ބީ އާއި، އަކިރި އެފްސީ އާއި، ތުނޑި އެފް އެންޑް ބީ އެވެ.

ގުރޫޕް "ބީ" ގައި ހިމެނެނީ، މެއިން އެފް އެންޑް ބީ އާއި، ބުރަފަތި އާއި، މެއިން ހައުސް ކީޕިން އާއި، ގަބީލާ އެފްސީ އެވެ.

ގުރޫޕު "ސީ" ގައި ހިމެނޭ ޓީމު ތަކަކީ، ތުނޑީ ހައުސްކީޕިން ވޯރިއާސް އާއި، ހުންގާނު އާއި، އައިލެންޑް ޗެލެންޗާސް އާއި، އީގަލް އައި އެވެ.

ޗެމްޕިއަން ޓީމަށް 20،000 ރުފިޔާގެ ފައިސާގެ އިނާމެއް ހުށަހެޅިފައިވާ މި މުބާރާތުގައި، ޗެމްޕިއަން ޓީމުގެ އިތުރުން ރަނަރަޕް ޓީމާއި މުބާރާތުގެ އެންމެ މޮޅު ފަސް ކުޅުންތެރިން ވެސް ހޮވުމަށް ވަނީ ހަމަޖެހިފައެވެ.

މުބާރާތުގެ ގުރު ނެގުމަށްޓަކާ ބޭއްވި ކުލަގަދަ ރަސްމިއްޔާތުގައި މުނިފޫހި ފިލުވުމުގެ ފަރި ހަރަކާތްތަކުގެ އިތުރުން މުބާރާތުގެ ތީމް ސޯންގް ވެސް ވަނީ އިފްތިތާހް ކޮށްފައެވެ.

މި ރަސްމިއްޔާތަށް ފަހު ރާއްޖެ އެމްވީ އާއި ވާހަކަ ދައްކަމުން ކުރަމަތި ރިސޯޓުގެ އެޗްއާރު ސެޕަވައިޒަރ އަލީ އަބްސުﷲ (އައްޔަ) ވިދާޅުވީ، މި މުބާރާތަކީ ކުރަމަތި ރިސޯޓުގެ ސްޓާފުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމެ މަގްސަދުގައި ބާއްވާ މުބާރާތެއް ކަމަށާއި، ކޮންމެ އަހަރަކުވެސް ސްޓާފުންގެ ފަރާތުން ވަރަށް ބޮޑު އެއްބާރުލުމެއް ލިބޭ ކަމަށެވެ. އަދި މިއީ މި މުބާރާތް ބޭއްވޭ 11 ވަނަ ފަހަރު ކަމަށާއި އެގޮތުން ކުރިއަށް އޮތްތަކުގައި މުބާރާތް އިތުރަށް ފުޅާކުރުމަށް މަސައްކަތް ކުރަމުން އަންނަ ކަމަށްވެސް އައްޔަ ވިދާޅުވިއެވެ.

އިތުރަށް ވާހަކަ ދައްކަމުން އައްޔަ ވިދާޅުވީ، މުބާރާތް ފުރިހަމަކޮށް ގެންދިއުމަށް ރިސޯޓުގެ މެނޭޖްމަންޓްގެ ފަރާތުންނާއި ރިސޯޓުގެ ރެކްރިއޭޝަން ކްލަބްގެ ފަރާތުން ލިބޭ އެއްބާރުލުން ފާހަގަކޮށް ޝުކުރު އަދާކުރާ  ކަމަށެވެ.

މި މުބާރާތުގެ ކުޅުން ފެށުމަށް ހަމަޖެހިފައުވަނީ މިމަހުގެ 10 ވާ ބުރާސްފަތި ދުވަހުއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް