އަމިއްލަ ދަނޑުގައި މޮޅުވެވޭނީ ސަޕޯޓަރުންގެ އެހީއާއެކު: ޑޯޓްމުންޑް ކޯޗު
އެންހެލް ކޮރެއާ އަދި ޑިއޭގޯ ސިމިއޯނީ
ޗެމްޕިއަންސް ލީގު ފުޓްބޯޅަ މުބާރާތުގައި ގަދަ އަށެއްގައި ކުޅޭއިރު މޮޅުވާނެ ޓީމެއް ބުނަން ވަރަށް ދަތިކަމަށް އެތްލެޓިކޯ މެޑްރިޑްގެ ކޯޗު ޑިއެގޯ ސިމިއޯނީ ބުނެފި އެވެ.
އޭނާ މިހެން ބުނީ މުބާރާތުގެ ކުއާޓާ ފައިނަލުގައި ޖަރުމަނުގެ ބޮރޫޝިޔާ ޑޯޓްމުންޑާ ދެކޮޅަށް ކުޅޭ މެޗުގެ ކުރިންނެވެ. މި ދެ ޓީމު އެތްލެޓިކޯގެ ދަނޑުގައި ކުޅެގެން 2-1އިން މޮޅުވީ އެތްލެޓިކޯ އެވެ. ނަމަވެސް ސިމިއޯނީ ބުނީ ޑޯޓްމުންޑަކީ އަމިއްލަ ދަނޑުގައި ބަލިކުރަން އުނދަގޫ ޓީމެއް ކަމަށެވެ.
އޭނާ ބުނީ މުބާރާތުގެ ގަދަ އަށެއްގައި ހިމެނޭ ކޮންމެ ޓީމަކީ ވެސް މޮޅު ޓީމެއް ކަމަށާއި ފުރަތަމަ ލެގުގައި ކޮންމެ ބަޔަކު މޮޅުވިޔަސް ނަތީޖާ ތަފާތުވާނީ ކުޑަވަގުތުކޮޅެއްގެ ތެރޭގައި ކަމަށެވެ.
ޑޯޓްމުންޑްގެ ކޯޗު އެޑިން ބުނީ މެޗަށް 81000 ޓިކެޓް ވިއްކާފައިވާނެ ކަމަށާއި އަމިއްލަ ސަޕޯޓަރުން ތިބުމަކީ އޭނާގެ ޓީމަށް ލިބޭނެ ވަރަށް ބޮޑު ހިތްވަރެއް ކަމަށެވެ.
މިރޭގެ މެޗު ފަށާނީ ދަންވަރު 12 ޖަހާއިރު އެވެ.
