އެންޓި ޑިފެކްޝަން ބިލު ތަސްދީޤު ނުކުރައްވައި ދިގުދެންމެވުމަކީ ޑިމޮކްރަސީއަށް ފާޅުގައި ހުރަސްއެޅުއްވުން: ސާލިހު
14 އެޕްރީލު 2024 | އާދީއްތަ 08:19ބިލު އަނބުރާ ފޮނުވާލެއްވިޔަސް މަޖިލީހުން އެ ބިލު ފާސް ކުރުމަށް އެމްޑީޕީން މަސައްކަތް ކުރާނެ
ކުރީގެ ރައީސް އިބްރާހީމް މުހައްމަދު ސާލިހު
އެންޓި ޑިފެކްޝަން ބިލު ތަސްދީޤު ނުކުރައްވައި ދިގުދެންމެވުމަކީ ޑިމޮކްރަސީއަށް ފާޅުގައި މިހާރުގެ ރައީސް ޑރ މުޙައްމަދު މުއިއްޒު އަޅުއްވާ ހުރަހެއްކަމަށް ކުރީގެ ރައީސް އިބްރާހީމް މުޙައްމަދު ސާލިހު ވިދާޅުވެއްޖެއެވެ.
މަޖިލިސް އިންތިހާބުގެ ކެމްޕޭނަށް ގއ. މާމެންދޫއަށް ވަޑައިގެން ދެއްކެވި ވާހަކަފުުޅުގައި ރައީސް ސާލިހު ވިދާޅުވީ، މިފަދަ މުހިންމު ވަގުތެއްގައި އެފަދަ މުހިންމު ގާނޫނެއް ގެޒެޓުނުކުރައްވައި ގާނޫނަކަށް ނުހަައްދަވައި ރައީސް ހުންނެވުމަކީ ޑިމޮކްރަސީއަށް ފާޅުގައި ހުރަސް އެޅުއްވުން ކަމަށެވެ.
ރައީސް މުއިއްޒު އެ ބިލު އަނބުރާ ފޮނުއްވާލެއްވިޔަސް މަޖިލީހުން އެ ބިލު ފާސް ކުރުމަށް އެމްޑީޕީން މަސައްކަތް ކުރާނެކަމަށް ރައީސް ސާލިހު ވިދާޅުވިއެވެ.
ރައްޔިތުންގެ މަޖިލީހުން ފާސްކޮށްފައިވާ އެންޓި ޑިފެކްޝަން ބިލް ރައީސުލްޖުމްހޫރިއްޔާ ޑރ މުއިއްޒު ތަސްދީޤު ނުކުރައްވާތީ އެމްޑީޕީގެ މެމްބަރުން ގެންދަވަނީ އެކަމުގެ ނުރުހުން ފާޅު ކުރައްވަމުންނެވެ.
