ކުޅިވަރު
ލިވަޕޫލް
މުޅިން ވެސް ހެދީ ގޯސް، ރަނގަޅު އެއްވެސްކަމެއްނެތް: ކްލޮޕް
ދެތިން ކަމެއް ރަނގަޅުކޮށްލަނިކޮށް މި މެޗުން މޮޅުވެވުނީސް: ކްލޮޕް
ރާއްޖެ އެމްވީ | 11 އެޕްރީލު 2024 | ބުރާސްފަތި 23:40
ލިވަޕޫލްގެ ކޯޗު ކްލޮޕް
ޔޫރޮޕާ ލީގުގައި ރޭ ލިވަޕޫލުން މުޅިން ވެސް ހެދީ ގޯސްކަމަށް ކޯޗު ޔާގެން ކްލޮޕް ބުނެފި އެވެ.
އޭނާ މިހެން ބުނީ އިޓަލީގެ އެޓްލާންޓާ އަތުން 3-0އިން ބަލިވި މެޗަށް ފަހު ވާހަކަ ދައްކަމުންނެވެ. އަދި މި ބައްޔާއެކު ލިވަޕޫލް އަމިއްލަ ދަނޑުގައި ބަލިނުވެ ދަމަހައްޓަމުން އައި ސިލްސިލާ ވަނީ ނިމުމަކަށް އައިސްފަ އެވެ. އެއީ 34 މެޗާއި 415 ދުވަހަށް ފަހު އެވެ.
އޭނާ ބުނީ ލިވަޕޫލްއިން ބޯޅަ ލިބިފައި އޮންނަ ވަގުތު ޓެކްޓިކަލީ މެޗު ކުޅެން މަސައްކަތްކުރި ގޮތް އެއްގޮތަކަށް ވެސް ކަމުނުދާ ކަމަށެވެ. ބައެއް ވަގުތުތަކުގައި ޕާސްކުރީ އިދިކޮޅު ކުޅުންތެރިންނަށް ކަމަށެވެ.
ލިވަޕޫލަށް ސެމީ ފައިނަލަށް ދެވޭނީ އިޓަލީގައި އަންނަ ހަފުތާގައި ކުޅޭ މެޗު ހަތަރު ލަނޑުން ކާމިޔާބުކޮށްގެންނެވެ.
