ޔޫރޯގެ ފަހު ދެ ޖާގަ ޔޫކްރެއިނާއި ޕޮލެންޑަށް

މި އަހަރު ބާއްވާ ޔޫރޯ ފުޓްބޯޅަ މުބާރާތުގެ ފަހު ދެ ޖާގަ ޔޫކްރެއިނާއި ޕޮލެންޑް ހޯދައިފި އެވެ.

ޕްލޭ އޯފްގައި ރޭ ޕޮލެންޑް މޮޅޫވީ ވޭލްސްއާ ވާދަކޮށް ޕެނަލްޓީ ޖަހައިގެން 5-4އިންނެވެ. ޔޫކްރެއިން މޮޅުވީ އައިސްލޭންޑާ ވާދަކޮށް 2-1އިންނެވެ.

ޕޮލެންޑް މޮޅުވީ ވޭލްސްގެ ފަހު ޕެނަލްޓީ ޑޭން ޖޭމްސް ޖެހުމުން ޕޮލެންޑްގެ ކީޕަރު ވޮޝްނިއާ ސިޒެސްނީ ދިފާއު ކުރުމުންނެވެ.

މެޗަށް ފަހު ވާހަކަ ދައްކަމުން ވޭލްސްގެ ކެޕްޓަން ބެން ޑޭވީސް ބުނީ ޕެނަލްޓީ ޖެހުމަކީ ވަރަށް އުނދަގޫ ކަމެއް ކަމަށާއި އެމީހުން ބަލިވީ މުޅި މެޗުގައި ވެސް ރަނގަޅަށް ކުޅެފައި ކަމަށެވެ. އަދި ޕޮލެންޑަކީ މޮޅު ޓީމެއް ކަމަށާއި ނަމަވެސް ކުޅުމުގައި ދެ ޓީމުގެ އެއްވެސް ތަފާތެއް ރޭ ނުފެނުނު ކަމަށެވެ.

ޔޫކްރެއިން މެޗުގައި އެ ޓީމު މޮޅު ކޮށްދިނީ މިހައިލޯ މުޑްރީކެވެ. އޭނާ ގޯލު ޖެހީ 84 ވަނަ މިނެޓުގަ އެވެ. މެޗަށް ފަހު ޔޫކްރެއިންގެ ކެޕްޓަން އޮލެކްޒެންޑާ ޒިންޗެންކޯ ބުނީ އޭނާގެ ގައުމާމެދު ފަހުރުވެރިވާ ކަމަށެވެ.

ރޭ ކުޅުނު ކޮލިފައިންގައި ފަހު މެޗުގައި ކުރީގެ ޗެމްޕިއަން ގްރީސް ބަލިކޮށް ޖޯޖިއާ ވެސް ވަނީ ކޮލިފައިވެފަ އެވެ.

މި އަހަރުގެ ޖޫން މަހު ޔޫރޯ ފުޓްބޯޅަ މުބާރާތް ކުޅޭނީ ޖަރުމަނު ވިލާތުގަ އެވެ.