އޮސަސޫނާ ބަލިކޮށް، ޖިރޯނާ ދެ ވަނަ އަށް

ސްޕެނިޝް ލީގުގައި އޮސަސޫނާއާ ދެކޮޅަށް ކުޅުނު މެޗުން މޮޅުވެ، ޖިރޯނާ އިން ދެ ވަނަ އަށް ޖެހިލައިފި އެވެ.

ޖިރޯނާގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 2-0 އިންނެވެ. މެޗުގެ ފުރަތަމަ ހާފުގައި ޖިރޯނާ އިން އެއް ލަނޑު ޖެހިއިރު، އަނެއް ލަނޑު ޖެހީ ދެ ވަނަ ހާފުގަ އެވެ.

މެޗު ފަށައިގެން 13 ވަނަ މިނެޓުގައި ޖިރޯނާ އިން ވަނީ ލަނޑު ޖަހައި ލީޑު ނަގައިފަ އެވެ. އެ ޓީމަށް ލީޑު ނަގައިދިނީ ޕޯޓޫ އެވެ. އެ ޓީމުގެ ދެ ވަނަ ލަނޑު، މެޗުގެ ފުރިހަމަ ވަގުތު ހަމަވާން ހަތަރު މިނެޓަށްވެފައި ވަނިކޮށް ޖެހީ، ސާވިއޯ އެވެ. އެ ލަނޑު ޖަހަން އޭނާ އަށް ފުރުސަތު ތަނަވަސްކޮށްދިނީ އެލެކްސް ގާސިއާ އެވެ.

މޮޅާއެކު ޖިރޯނާ އިން ވަނީ އަލުން ދެ ވަނަ މަގާމަށް ޖެހިލައިފި އެވެ. އެއީ މިހާތަނަށް ކުޅުނު 28 މެޗުން 62 ޕޮއިންޓު ހޯދައިގެންނެވެ. ޖިރޯނާގެ ފަހަތުން ދެ ވަނައިގައި ބާސެލޯނާ އޮތީ، ހަމަ އެ އަދަދަށް މެޗު ކުޅެގެން 61 ޕޮއިންޓާއެކު އެވެ. އެއް ވަނައިގައި ރެއާލް އޮތީ 27 މެޗުން 66 ޕޮއިންޓާއެކު އެވެ.