އެމްޑީޕީގެ ކެންޑިޑޭޓުންނަށް ވޯޓު ދޭންޖެހޭ ޙާލަތްތައް ވެސް އައިސްދާނެ: ޔާމީން
9 މާރިޗު 2024 | ހޮނިހިރު 08:27ވޯޓުގެ ނަތީޖާ އަންނާނެ ގޮތެއް އަންދާޒާއެއް ނުކުރެވޭނެކަމަށްވެސް ވިދާޅުވި
ކުރީގެ ރައީސް އަބްދުﷲ ޔާމީން
އެމްޑީޕީގެ ކެންޑިޑޭޓުންނަށް ވޯޓުދޭންޖެހޭ ހާލަތެސްވެސް އައިސްދާނެކަމަށް ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.
ޕީއެންއެފްގެ ޖަލްސާއެއްގައި އޯޑިއަންސްގައި އިންނަވައި ވާހަކަދައްވަމުން ޔާމީން ވިދާޅުވީ، އެމްޑީޕީގެ ކެންޑިޑޭޓުންނަށް ވޯޓު ދޭންޖެހޭ ޙާލަތް އައުމަކީވެސް ވެދާނެ "ޕްރޮބެބިލިޓީ" އޮތް ކަމެއްކަމަށެވެ.
ޔާމީނު އެހެން ވިދާޅުވީ އެމްޑީޕީގެ ކެންޑިޑޭޓަށްވުރެ ޕީއެންސީގެ ކެންޑިޑޭޓު މަގާމަށް އެކަށީގެން ނުވާ ހަލަތެއްގައި އެމްޑީޕީގެ ކެންޑިޑޭޓަށް ވޯޓު ދިނުމުގެ މައުޟޫއަށް ވާހަކަ ދައްކަވަމުންނެވެ.
ޕީއެންއެފްއިން އެފަދަ ޙާލަތްތަކަށްވެސް ތައްޔާރުވާން ޖެހޭކަން ޔާމީނު ފާހަގަ ކުރެއްވިއެވެ.
ޔާމީނު ވަނީ އިންތިޚާބުގެ ވޯޓުގެ ނަތީޖާ އަންނާނެ ގޮތެއް އަންދާޒާއެއް ނުކުރެވޭނެކަމަށްވެސް ވިދާޅުވެފައެވެ.
