ރާއްޖެ
ހުޅުމާލެ ފޭސް 2 ގައި މިސްކިތެއް ހުޅުވުން
ރަމަޟާން މަހަށް ޚާއްސަކޮށް އެޗްޑީސީން ހުޅުމާލެ ފޭސް 2 ގައި މިސްކިތެއް ހުޅުވައިފި
މިސްކިތް ގާއިމުކުރެވިފައިވަނީ ފޭސް 2 ގެ ހިޔާ ޕާރކު ސަރަހައްދުގައި
އާއިޝަތު ޝިއުރާ, ރާއްޖެ އެމްވީ | 8 މާރިޗު 2024 | ހުކުރު 00:57
ހުޅުމާލެ ފޭސް 2 ގައި އިމާރާތްކުރި މިސްކިތް
ރަމަޟާން މަހަށް ތައްޔާރުވުމުގެ ގޮތުން އެޗްޑީސީން ހުޅުމާލެ ފޭސް 2 ގައި ވަގުތީ މިސްކިތެއް ހުޅުވައިފިއެވެ.
އެޗްޑީސީން ބުނީ މަސްޖިދުން ޝާކިރީން ނަމުގައި އިމާރާތްކުރެވުނު މިސްކިތް ގާއިމުކުރެވިފައިވަނީ ފޭސް 2 ގެ ހިޔާ ޕާރކު ސަރަހައްދުގައިކަމަށެވެ. މި މިސްކިތަކީ ހިޔާ ސަރަހައްދުގައި ދިރިއުޅޭ އިސްރަށްވެހިންނާއި ޚާއްސަ އެހީއަށް ބޭނުންވާ މީހުންނަށް މިސްކިތަށް ދިޔުމަށް ދުރަށް ދިޔުމަށް ދާންޖެހުމުން ދިމާވާ ދަތިތަކަށް ހައްލު ގެނައުމަށް ހުޅުވާފައިވާ މިސްކިތެކެވެ.
މިމިސްކިތުގައި އެއްފަހަރާ 100 މީހުންނަށް ނަމާދުކުރެވޭނެއެވެ. މިމިސްކިތުގައި އަންހެނުންނަށްވެސް ނަމާދުކުރެވޭނެއެވެ.
