ޒައީމްގެ ގަޔަށް ކަޅުތެޔޮ ޖެހި މައްސަލަ ތަހުގީގުކުރަން ފަށައިފި
7 މާރިޗު 2024 | ބުރާސްފަތި 17:12ޒައީމް ގަޔަށް ކަޅުތެޔޮ ޖެހީ ސައިކަލުގައި ދިޔަ 2 މީހަކު
ފަރެސްމާތޮޑާ އެމްޑީޕީ ކެންޑިޑޭޓް ގަޔަށް ކަޅުތެޔޮޖެހުން
ފަރެސްމާތޮޑާ އެމްޑީޕީގެ ކެންޑިޑޭޓް ގަޔަށް ކަޅުތެޔޮ ޖެހި މައްސަލަ ތަހުގީގުކުރަން ފަށައިފިއެވެ.
އޭނާގެ ގަޔަށް ކަޅުތެޔޮ ޖަހާފައިވާ މަންޒަރު ފެންނަ ފޮޓޯއާއި ވީޑިއޯ ވަނީ މީސްމީޑިއާގައި ދައުރުވެފައެވެ. މިހާތަނަށް ލިބިފައިވާ މައުލޫމާތުތަކަށް ބަލާއިރު މިހާދިސާ ހިނގާފައި ވަނީ ބުރާސްފަތި ދުވަހުގެ ހަވީރުއެވެ.
އެ ހާދިސާ ހިނގީ ދާއިރާގެ ބަހުސް އަށް ދާން ދިޔަ މަގުމަތީގައެވެ.
މި މައްސަލައާއި ގުޅިގެން ފުލުހުން ބުނެފައިވަނީ ރައްޔިތުންގެ މަޖިލީހުގެ ފަރެސްމާތޮޑާ ދާއިރާއަށް އެމްޑީޕީގެ ފަރާތުން ކުރިމަތިލާފައިވާ އަހުމަދު ޒައީމް، ޕީއެސްއެމް މަޖިލިސް ބަހުސަށް ދަނިކޮށް އަމީނީ މަގު އެމްއެންޔޫ ޕާކިންގ ޒޯނާއި ހިސާބުން ސައިކަލެއްގައި ދިޔަ ދެމީހުން ކެންޑިޑޭޓާއި ދިމާލަށް ކަޅުތެޔޮކޮތަޅެއް އެއްލި މައްސަލަ ހަވީރު ފުލުހުންނަށް ރިޕޯޓްކޮށްފައިވާ ކަމަށެވެ.
ފުލުހުން ބުނީ މި މައްސަލަ ތަހުގީގުކުރަމުން އަންނަ ކަމަށާއި، މިކަމާއި ގުޅިގެން މީހަކު ހައްޔަރުކޮށްފައި ނުވާ ކަމަށެވެ.
